SURAT NI SI PAULUS TU PARLAGUTAN ROM 15:32 - BIBEL JAMITA NA DENGGAN

³² Jadi hara ni i, muda tumbuk di roha ni Debata, tarbaen au ma ro mandapotkon hamu angka dongan di bagasan jop ni roha. Jana dapotan apo-apo ma au di tonga-tongamunu.

SURAT NI SI PAULUS TU PARLAGUTAN ROM 15:32 ပူးပေါင်းရင်းမြစ်များ

PODA 25:13

Suruan na nihaposan, mambaen sonang na marsurusa, tudos tu aek na borgo di halak na manyabi di saba.

BAENON NI ANGKA RASUL 18:21

Tapi haru songon i pe, di na laho kehe ia laing didok ia do, “Muda dipaloas Debata, mangulahi dope au ro tuson.” Dung didok ia songon i, kehe ma ia markapal sian Epesus.

BAENON NI ANGKA RASUL 27:1

Dung dipaputus angkon marlayar ma hami tu Italia, dipasahat halahi ma si Paulus dohot deba nari tahanan na asing tu tangan ni si Julius, i ma perwira ni tentara Rom na nigoaran “Resimen Ni Kesar”.

SURAT NI SI PAULUS TU PARLAGUTAN ROM 15:29

Huboto do muda ro au, angkon boanonku do angka pasupasu na sian Kristus di hamu.

1 KORINTUS 16:18

Angke diapoi halahi do au dohot hamu. Hara ni i pasangap hamu ma angka halak na songon i.

1 KORINTUS 4:19

Tapi angkon laing ro do au mandapotkon hamu, nada pola honok be muda dipaloas Tuhan. Jadi muda ro au, disi ma idaonku sanga aha do antong na tarpatupa angka na manggodang diri i; ulang hum mandok hata sajo halahi.

2 KORINTUS 7:13

I do mambaen gabe tarapul rohanami. Jana nada hum tarapul, mur jop dope rohanami marnida jop ni roha ni si Titus; madung diapoi hamu sudena ia.

2 TIMOTEUS 1:16

Tapi anggo na sian bagas ni si Onesiporus madung adong sanga na piga noli dipajop ia rohangku. Ibo ma roha ni Tuhan, sai dilehen ma tu halahi asi ni rohaNa. Haru pe tarhurung au, nada pola maila si Onesiporus marnida na masa tu au.

PILEMON 1:20

Jadi hara ni i laing urupi ma jolo au hara ni Tuhan i; pajop ma jolo rohangku songon kahanggimu hara ni Kristus.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

JAKOBUS 4:15

Angkon songon on do nian dokkononmunu, “Muda ibo roha ni Tuhan, mangolu ma hami jana baenonnami ma songon on sanga songon an.”