SURAT NI SI PAULUS TU PARLAGUTAN ROM 15:31 - BIBEL JAMITA NA DENGGAN

³¹ Anso malua au sian angka na so porsaya na adong di Judea, jana anso tumbuk tu roha ni halak na porsaya na di Jerusalem karejongki.

SURAT NI SI PAULUS TU PARLAGUTAN ROM 15:31 ပူးပေါင်းရင်းမြစ်များ

BAENON NI ANGKA RASUL 22:24

Jadi gabe disuru komandan i ma si Paulus dioban masuk tu bagasan markas i anso disiksa ia disi laho mamareso sanga hara ni aha umbaen na pola songon i gogona halak Jahudi marsurak hara ni ia.

BAENON NI ANGKA RASUL 25:2

Ro ma disi angka sintua ni malim dohot angka pamimpin ni halak Jahudi tusia laho pasahatkon pangaduan ni halahi taringot tu si Paulus. Sai dielek-elek halahi ma si Pestus

BAENON NI ANGKA RASUL 25:24

Dung i didok si Pestus ma, “Boti ma da dohonon, di raja i Baginda Agrippa maradu sude dongan na marlagut di inganan on! Madung diaduhon sude halak Jahudi bayo on tu au, sanga pe na di Jerusalem sanga pe na adong dison. Marsurahi do halahi mandok na so tola be ia mangolu.

BAENON NI ANGKA RASUL 9:13

Dialusi si Ananias ma, “Bahat do hubege hata ni halak Tuhan, taringot tu bayo i, tarlobi taringot tu angka parkancitan na nibaennia maradopkon halakMu na badia i di Jerusalem.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 15:25

Tapi anggo saonnari giot tu Jerusalem dope au pasahatkon pangurupion tu angka dongan sahaporsayaan na disi.

1 KORINTUS 16:15

Adong dope sada nari pangidoanku tu hamu ale angka dongan. Diboto hamu do, anggo si Stefanus dohot donganna sabagas, i ma angka halak na parjolo porsaya di Akhaya, jana dipasahat do dirina mangoloi angka na porsaya.

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

2 KORINTUS 8:4

gomos do dipangido jana dinungnungi halahi hami, anso dohot halahi mangalehen silehen-lehen tu angka dongan sahaporsayaan.

2 KORINTUS 9:1

Anggo salaho tu bantuan na nitongos i tu angka dongan sahaporsayaan, indangkon pola be mambaen surat au tu hamu.

2 KORINTUS 9:13

Hara ni hadengganan na dipataridahonmunu, gabe bahat halak pasangapkon Debata, angke diida halahi ma antong burju ni rohamunu maradopkon Jamita Na Denggan i na patorangkon Jesus Kristus na niihutkonmunu i. Mardomu muse hara ni habasaonmunu laho mambagi-bagihon sanga aha na adongmunu tu halahi bope tu sude halak na asing.

1 TESSALONIKA 2:15

Halak Jahudi i do na mamunu Tuhan Jesus dohot angka panurirang, hami pe diparkanciti halahi muse do. Sai torus do dialo halahi Debata jana gabe musu ni sude jolma do halahi!

2 TESSALONIKA 3:2

Tangiangkon hamu muse ma anso laing malua hami sian angka halak na jahat dohot na so ture. Angke nada sudena halak ra mangkaporsayai jamita na sian Tuhan i.

2 TIMOTEUS 3:11

Madung diida ho au dibalbalan jana markancit au. Diboto ho do sude na tarjadi tu au di Antiokia, di Ikonium dohot di Listra; jana diboto ho do sude na hutaon i! Tapi malua do au dibaen Tuhan sian sudena i.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.