SURAT NI SI PAULUS TU PARLAGUTAN ROM 15:30 - BIBEL JAMITA NA DENGGAN

³⁰ Hara ni Tuhanta Jesus Kristus dohot hara ni holong ni roha na nilehen ni Tondi i, gomos ma hupangido tu hamu angka dongan, anso dohot ma nian hamu marsitutu martangiang rap dohot au tu Debata taringot tu au.

SURAT NI SI PAULUS TU PARLAGUTAN ROM 15:30 ပူးပေါင်းရင်းမြစ်များ

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

2 KORINTUS 1:11

Dibaen dohot do hamu mangurupi hami markite-hite tangiangmunu, anso bahat halak mandok tarimakasi hara ni pasupasu na hami jagit markite-hite bahat ni tangiangmunu tu hami.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

2 KORINTUS 4:11

Salolot mangolu hami, sai tongtong do mangondam hamatean i tu hami hara ni Jesus, anso tarpataridahon muse ngolu ni Jesus di pamatangnami na ra mate on.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

EPESUS 6:19

Jana laing tangiangkon hamu ma dohot au, anso dilehen Debata di au hata na mardai muda hatiha mangkobari au. Boti anso puluk au pajojorkon rahasia ni Jamita Na Denggan i tu angka jolma.

PILIPPI 2:1

Nada he hara ni na mangolu i do hamu di bagasan Kristus umbaen na margogo hamu? Umbaen na tarapul pe hamu hara ni na holong do rohaNia mida hamu! Solkot pe hamu sama hamu, hara ni na nitogu-togu ni Tondi i do hamu, jana marsihaholongan muse do hamu bope marsiasi-asian.

KOLOSSE 1:8

Laing ia muse do na paboahon tu hami taringot tu holongmunu na di bagasan Tondi.

KOLOSSE 2:1

Giotku sugari diboto hamu ma nian sanga na bia parjuanganku di bagasan rohangku hara ni hamu bope hara ni halahi na di Laodikea dohot sude na so mananda au sandiri dope.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

1 TESSALONIKA 5:25

Tangiangkon hamu ma hami, ale angka dongan!

2 TESSALONIKA 3:1

Tangiangkon hamu ma hami anso torus rarat barita na sian Tuhan i, jana denggan nian dijagit halak songon na dung tulus tu hamu na salpu i.

2 TIMOTEUS 4:1

Ro dope Kristus Jesus tu tano on manguhumi angka jolma na mangolu dohot na mate; jana ro ma Ia mamarenta songon Raja. Jadi hara ni i gomos ma pangidoanku tu ho, di jolo ni Debata dohot Kristus Jesus: