SURAT NI SI PAULUS TU PARLAGUTAN ROM 15:3 - BIBEL JAMITA NA DENGGAN

³ Harana, Kristus pe nada hasonanganNia sajo dipikirkon Ia. Songon na tarsurat, “Sude incak-incak na tu hamu, gabe tu Au do madabu.”

SURAT NI SI PAULUS TU PARLAGUTAN ROM 15:3 ပူးပေါင်းရင်းမြစ်များ

MASMUR 69:20

Magopu pangkilalaanku hara ni tilako malu-malu, gabe putus asa noma au. Sai hujalahi do halak na maribo ni roha nian hape so adong, hulului pangapoi, hape magopo do.

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

MATEUS 10:25

Muda sarupa sada sisean dohot guruna jana sada naposo dohot tuanna, sapatutna madung tuk songon i di halahi. Muda digoari halahi nampuna bagas i si Beelsebul, mur ma halak na sabagas i. Goar na jumatjat noma dokkonon ni halahi.”

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

MATEUS 27:44

Angka panyamun na diparsilangkon rap dohot Ia, mangincahi ma songon i tuSia.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 5:30

“Nada tarpatupa Au sanga aha pe anggo sian roha-rohangKu sandiri. Sanga aha na niparentahon ni Debata tu Au, hombar tusi do Au manontuhon uhuman. Hara ni i, adil do na Huputuskon i, angke nada na mambaen roha-rohangKu sandiri Au. Hagiot Ni Damang na marsuru Au, i sajo do na Huoloi.

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

PILIPPI 2:5

Angkon songon parroha ni Kristus Jesus do hamu:

PILIPPI 2:8

Dipatoruk Ia do diriNia jana burju do Ia mangoloi Debata lopus mate – i ma mate tarsilang.