SURAT NI SI PAULUS TU PARLAGUTAN ROM 15:28 - BIBEL JAMITA NA DENGGAN

²⁸ Muda dung sidung hubaen karejongkon, jana hupasahat pangurupion na nipalagut i tu halahi na di Jerusalem, kehe ma au tu Luat Spanyol mamolus sian kotamunu on.

SURAT NI SI PAULUS TU PARLAGUTAN ROM 15:28 ပူးပေါင်းရင်းမြစ်များ

PODA 19:21

Tarbaen jolma do patupa sangkap, tapi hum maksud ni Tuhan do na tarlaksana.

ANDUNG 3:37

Hum hagiot ni Tuhan sajo do na giot mardalan;

MATEUS 27:66

Jadi kehe ma halahi tu kuburan i. Disegel halahi ma batu panutupna i. Dung i disuru halahi ma angka tentara na manjagoi disi.

JOHANNES 3:33

Sanga ise na porsaya di hasaksianNia i, i do na mangoku bahaso na tigor Debata.

BAENON NI ANGKA RASUL 19:21

Dung tarjadi sudena i, diputuskon si Paulus ma di bagasan rohania anso kehe ia tu Jerusalem, mamolus sian Makedonia dohot Akaya. Didok ia ma, “Dung sian i angkon torus dope au tu Rom.”

SURAT NI SI PAULUS TU PARLAGUTAN ROM 15:24

Jadi muda mardalan au tu Spanyol, disi ma au ro tu hamu dibaen arop do rohangku idaonku ma hamu, di na mamolus i au, anso didongani hamu ma au tusi, dung jop rohangku marsuo dohot hamu.

PILIPPI 4:17

Nada hum silehen-lehenmunu i na giot jagitonku, tapi anso huida do angka suha na patamba hauntunganmunu, i do na huhalungunkon.

KOLOSSE 1:6

Mur rarat do barita na sian Debata tu portibi on sudena, jana madung dipasupasu ngolu ni jolma hara ni barita i, songon na masa tu ngolumunu. Sian mula-mulana dibege hamu taringot tu asi ni roha ni Debata jana tutu do diauhon hamu, ngolumunu pe madung dipasupasu.