SURAT NI SI PAULUS TU PARLAGUTAN ROM 15:26 - BIBEL JAMITA NA DENGGAN

²⁶ Harana madung saroha angka parlagutan na di Makedonia dohot na di Akaya laho mangalehen pangurupion tu angka dongan na pogos sian tonga-tonga ni dongan sahaporsayaan.

SURAT NI SI PAULUS TU PARLAGUTAN ROM 15:26 ပူးပေါင်းရင်းမြစ်များ

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

ZAKARIA 11:11

Laing di na sadari i, dibotalkon ma antong parjanjian i. Dipamanat-manat angka parjagal i ma au, jana mamoto ma halahi na manghobari do hape Tuhan markite-hite sandok pangalahongki.

ZAKARIA 11:7

Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 26:11

Tongtong do adong na pogos rap dohot hamu, tapi anggo Au nada tongtong rap dohot hamu.

LUKAS 14:13

Tapi muda mambaen pesta ho, halak na pogos ma da ontang, angka na martihas, angka na pangpang dohot halak na mapitung,

LUKAS 6:20

Ditailihon Ia ma angka anak siseanNia i didok Ia ma, “Martua ma hamu angka halak na dangol, harana hamu do nampuna Harajaan Ni Debata!

BAENON NI ANGKA RASUL 16:12

Sian i ma hami tu Pilippi, i ma sada kota di luat na parjolo di Makedonia. Jajahan ni halak Rom do kota i. Disi ma hami piga-piga ari.

BAENON NI ANGKA RASUL 16:9

Bornginna i di Troas diida si Paulus ma ro sada halak Makedonia jongjong di jolonia mangido dohot gomos anso taripar ia tu Makedonia mangurupi halahi.

BAENON NI ANGKA RASUL 18:12

Dung si Galio gabe gubernur di Akaya, satahi ma halak Jahudi mangalo si Paulus jana dioban halahi ma ia tu pangadilan.

BAENON NI ANGKA RASUL 19:21

Dung tarjadi sudena i, diputuskon si Paulus ma di bagasan rohania anso kehe ia tu Jerusalem, mamolus sian Makedonia dohot Akaya. Didok ia ma, “Dung sian i angkon torus dope au tu Rom.”

BAENON NI ANGKA RASUL 9:13

Dialusi si Ananias ma, “Bahat do hubege hata ni halak Tuhan, taringot tu bayo i, tarlobi taringot tu angka parkancitan na nibaennia maradopkon halakMu na badia i di Jerusalem.

1 KORINTUS 16:15

Adong dope sada nari pangidoanku tu hamu ale angka dongan. Diboto hamu do, anggo si Stefanus dohot donganna sabagas, i ma angka halak na parjolo porsaya di Akhaya, jana dipasahat do dirina mangoloi angka na porsaya.

1 KORINTUS 16:5

Giot topotonku do hamu, dung hubolus Makedonia, harana adong do maksudku mamolus sian i.

2 KORINTUS 1:16

Giot topotonku do hamu nian laho kehe au tu Makedonia jana maradian muse ma au di hamu on laho mulak, anso tarurupi hamu au patoruskon pardalananku laho tu Judea.

2 KORINTUS 11:9

Haru hurangan pe au di hatiha i, nada adong sanga ise pe sian hamu na gabe susa hubaen. Sanga aha na porlu di au, angka dongan na sian Makedonia do pasingkopkon. Tongtong do hujago sadenggan-dengganna anso ulang jabat hususai sanga ise pe sian hamu sanga na bia pe pangalahona jana sai hujagohon do anso laing tongtong songon i.

2 KORINTUS 2:13

Tapi inda sonang huhilala, hara ni na so marsuo au dohot donganta si Titus disi. Gabe huparmisihon noma tu halak kota i lalu kehe au tu Makedonia.

2 KORINTUS 7:5

Di na lalu pe hami tu Makedonia, laing so marnamantak do hasusaan sian hami. Dihaliangi hasusaan do hami; parsalisian sian pihak na asing dohot biar ni roha sian hami sandiri.

2 KORINTUS 9:12

Harana nada hum na manggohi hahurangan ni angka dongan sahaporsayaan sajo be pambaenanmunu na denggan i, tapi gabe mandok bahat tarimakasi ma halak tu Debata hara ni i.

2 KORINTUS 9:2

Angke huboto do na ringgas hamu mangurupi jana hupuji do hamu tu angka dongan na di Makedonia. Hudok do tu halahi, na dung singkop hamu di Akaya on laho mangalehen pangurupion mamungka sian taon na salpu i. Hara ni situtu ni rohamunu i, madung gabe marsitutu muse bahatan sian halahi.

2 KORINTUS 9:4

Harana betak na adong do halak Makedonia rap dohot au sanolion muda ro au mandapotkon hamu. Jadi anggo pola do tardapot halahi hamu laing nada singkop, na pailahon noma i tu hami. Harana ma sanga hami dok, na pos do rohanami tu hamu! Hamu pe tontu gabe maila ma.

PILIPPI 4:15

Hamu angka dongan na maringanan di Pilippi! Tangkas do diboto hamu di na kehe au sian Makedonia na salpu i, di na pararatkon Jamita Na Denggan i parjolo situtu, hum hamu sajo ma i parlagutan na mangurupi au; hum hamu sajo ma na dohot mandai untung rugina rap dohot au.

1 TESSALONIKA 1:7

Di na songon i, gabe tiruan do hamu tu sude angka na porsaya na adong di Makedonia dohot na di Akaya on.

1 TESSALONIKA 1:8

Angke mamungka sian hamu do rarat barita taringot tu Tuhan Jesus tu Makedonia dohot Akaya. Jana nada hum i sajo; barita ni haporsayaanmunu pe tu Debata, madung tarbonggal sun tu dia, gabe nada adong be pola na porlu sidokkononnami.

1 TESSALONIKA 4:10

Jana taringot tuson madung dipatuduhon hamu i maradopkon angka dongan Kristen na di Makedonia sudena. Tapi hamu ale angka dongan, gomos hami pangido tu hamu, anso laing mur tu dengganna dope i nian.

1 TIMOTEUS 1:3

Giotku laing maringanan di Epesus ma ho tongtong. Nian madung tangkas hian i hudok tu ho dompak na kehe au tu Makedonia. Husuru pe ho anso laing tongtong di Epesus, hara ni na huboto do adong disi piga-piga halak na pararatkon ajaran na so tutu. Jadi angkon antahanmu do halahi.

PILEMON 1:5

Harana madung hubege dihaholongi ho do sude halak na porsaya jana dihaporsayai ho do Tuhan Jesus.