SURAT NI SI PAULUS TU PARLAGUTAN ROM 15:25 - BIBEL JAMITA NA DENGGAN

²⁵ Tapi anggo saonnari giot tu Jerusalem dope au pasahatkon pangurupion tu angka dongan sahaporsayaan na disi.

SURAT NI SI PAULUS TU PARLAGUTAN ROM 15:25 ပူးပေါင်းရင်းမြစ်များ

BAENON NI ANGKA RASUL 18:21

Tapi haru songon i pe, di na laho kehe ia laing didok ia do, “Muda dipaloas Debata, mangulahi dope au ro tuson.” Dung didok ia songon i, kehe ma ia markapal sian Epesus.

BAENON NI ANGKA RASUL 19:21

Dung tarjadi sudena i, diputuskon si Paulus ma di bagasan rohania anso kehe ia tu Jerusalem, mamolus sian Makedonia dohot Akaya. Didok ia ma, “Dung sian i angkon torus dope au tu Rom.”

BAENON NI ANGKA RASUL 20:16

Na dung jolo didok si Paulus hian do, na so pola maradian ia di Epesus, anso ulang mabahattu abis ari-ari i di Asia. Diopop ia do anso satibu-tibuna ia lalu tu Jerusalem di Ari Pesta Pentakosta.

BAENON NI ANGKA RASUL 20:22

Jadi saonnari, hara ni na giot mangoloi na nidok ni Tondi Parbadia, kehe ma au tu Jerusalem. Jana nada huboto dope sanga aha na giot masa tu au disi.

BAENON NI ANGKA RASUL 24:17

Dung adong sanga piga-piga taon ro ma au muse tu Jerusalem, mulak ma au laho pasahatkon hepeng pangurupion tu bangsongku, bope laho pasahatkon haul tu Debata.

BAENON NI ANGKA RASUL 9:13

Dialusi si Ananias ma, “Bahat do hubege hata ni halak Tuhan, taringot tu bayo i, tarlobi taringot tu angka parkancitan na nibaennia maradopkon halakMu na badia i di Jerusalem.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

1 KORINTUS 16:4

Jana muda denggan do rap kehe au dohot halahi, tapi marnida disi noma i, jadi laing rap ma au kehe dohot halahi.

2 KORINTUS 8:4

gomos do dipangido jana dinungnungi halahi hami, anso dohot halahi mangalehen silehen-lehen tu angka dongan sahaporsayaan.

2 KORINTUS 8:6

Hara ni i do umbaen na gomos hami sosoi si Titus – anso laing didatdati ia karejo na denggan i di tonga-tongamunu, songon na dung dipungkana hian.

GALATIA 2:10

Hum on sajo ma i pangidoan ni halahi: Anso hami parrohahon halak na pogos. Jana pangalaho na songon i muse ma jop ni rohangku.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.