SURAT NI SI PAULUS TU PARLAGUTAN ROM 15:19 - BIBEL JAMITA NA DENGGAN

¹⁹ na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

SURAT NI SI PAULUS TU PARLAGUTAN ROM 15:19 ပူးပေါင်းရင်းမြစ်များ

MATEUS 12:28

Tondi Ni Debata do na mangalehen kuaso anggo di Au laho mangusir setan. I ma tandana madung ro Harajaan Ni Debata tu hamu.

JOHANNES 4:48

Didok Jesus ma tu pagawe ni bagas godang i, “Anggo so jolo diida hamu angka na luar biasa dohot angka hahomangan, laing na so ra do hamu porsaya.”

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 13:14

Sian Perga didalani halahi ma lalu tu Antiokia na di Pisidia. Dung Ari Sabat kehe ma halahi masuk tu bagas paribadatan.

BAENON NI ANGKA RASUL 13:51

Dung i dipaspaskon rasul na dua i ma abuan ni pat ni halahi di jolo ni halak na bahat i, i ma na gabe songon sipaingot. Kehe ma halahi tu Ikonium.

BAENON NI ANGKA RASUL 14:10

jana dipagogo si Paulus ma sorania mandok hata, “Tigor ma ho jongjong!” ning ia. Mangambur ma bayo i jongjong lalu mardalan.

BAENON NI ANGKA RASUL 14:20

tapi dung jongjong angka na porsaya i disi mangkaliangi ia, jongjong ma ia masuk mangulahi tu kota i. Ancogotna i kehe ma ia dohot si Barnabas tu Derbe.

BAENON NI ANGKA RASUL 14:25

Jadi dung dijamitahon halahi hata ni Debata di Perga, kehe ma halahi tu Atalia,

BAENON NI ANGKA RASUL 14:6

Diboto rasul na dua i do pangalaho i, gabe martabuni ma halahi tu Listra dohot tu Derbe, i ma kota na di Luat Likaonia, dohot tu luat na humaliang i.

BAENON NI ANGKA RASUL 15:12

Gabe tarhohom ma sudena na marlagut i disi. Dung i dibege halahi ma si Barnabas dohot si Paulus mangulahi mambaritahon sudena tanda-tanda dohot hahomangan na nibaen ni Debata markite-hite halahi di tonga-tonga ni bangso na asing na so Jahudi.

BAENON NI ANGKA RASUL 16:18

Sanga na piga ari sai songon i ma dipardokkoni ia. Goyak ma roha ni si Paulus umbegesa, gabe humusor ma ia manaili tu anak boru i didok ia ma tu tondi i, “Mangasahon goar ni Jesus Kristus, huparentahon anso ruar ho sian anak boru i!” ning ia. Manigor ditadingkon tondi i ma anak boru i.

BAENON NI ANGKA RASUL 17:10

Jadi manigor disuru angka dongan na porsaya i ma si Paulus dohot si Silas borngin i tu Berea. Dung lalu disi, kehe ma si Paulus dohot si Silas tu bagas paribadatan ni halak Jahudi.

BAENON NI ANGKA RASUL 17:15

Dung ditaruhon halahi si Paulus lopus tu Atena, mulak ma dongan i mangulahi tu Berea. Laing dioban halahi do tona ni si Paulus anso satibu-tibuna si Silas dohot si Timoteus ro mandapoti ia.

BAENON NI ANGKA RASUL 18:1

Dung i kehe ma si Paulus sian Atena, lalu ma ia tu Korintus.

BAENON NI ANGKA RASUL 18:19

Dung lalu di Epesus, ditadingkon si Paulus ma si Priskila dohot si Akuila, masuk ma ia tu bagas paribadatan martukar pikiran disi dohot halak Jahudi.

BAENON NI ANGKA RASUL 19:1

Jadi dompak na di Korintus i si Apollos, topet ma hatiha i si Paulus mandalani angka luat pardolok na disi lopus lalu ia tu Epesus. Dapot ia ma disi piga-piga anak sisean.

BAENON NI ANGKA RASUL 20:20

Diboto hamu do, na so pola maralang-alang au mandok sanga aha na marguna tu hamu. Huajari do hamu di tonga-tonga ni halak na bahat sanga pe na di bagas.

BAENON NI ANGKA RASUL 20:6

Dung Ari Pesta Ni Roti Na So Marragi, markapal laut ma hami sian Pilippi. Dung lima ari marsuo ma hami mangulahi di Troas. Laing disi ma hami saminggu.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

SURAT NI SI PAULUS TU PARLAGUTAN ROM 15:24

Jadi muda mardalan au tu Spanyol, disi ma au ro tu hamu dibaen arop do rohangku idaonku ma hamu, di na mamolus i au, anso didongani hamu ma au tusi, dung jop rohangku marsuo dohot hamu.

1 KORINTUS 2:4

Nada markite-hite habisuhon na paposkon hupalalu hatangku dohot jamitangku tapi markite-hite dalan na patandahon kuaso na sian Tondi i do.

2 KORINTUS 12:12

Sasudena na pataridahon paboa au do rasul na tutu, madung dikarejohon di tonga-tongamunu di bagasan hasobaron ni roha markite-hite tanda hahomangan dohot kuaso.

GALATIA 3:5

Dipasingkop Debata do TondiNa tu hamu jana dibaen do angka hahomangan di tonga-tongamunu. Adong he hara ni na mandalankon Tona umbaen na nipatupa ni Debata songon i, sanga hara ni na umbege Jamita Na Denggan i dohot hara ni na mangkaporsayai Kristus do?

KOLOSSE 1:25

Debata do marsuru au gabe pangoloi di parlagutan i laho manyarihon hamu. Angkon pabolkasonku do sudena barita na sian Debata;

1 TESSALONIKA 1:5

Angke di na manjamitahon Jamita Na Denggan i hami tu hamu, nada hum hata-hata sajo na hami jamitahon i, tapi mardongan kuaso na sian Tondi Parbadia do. Jana pos situtu do rohamunu na tutu do Jamita Na Denggan i. Diboto hamu do sanga na bia ngolunami laho manyarihon hamu dompak di tonga-tongamunu hami.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.