SURAT NI SI PAULUS TU PARLAGUTAN ROM 15:13 - BIBEL JAMITA NA DENGGAN

¹³ Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

SURAT NI SI PAULUS TU PARLAGUTAN ROM 15:13 ပူးပေါင်းရင်းမြစ်များ

JESAYA 55:12

Satutuna, na giot kehe noma hamu di bagasan jop ni roha, dipataru tu balian di bagasan sonang. Dolok dohot tor marendei marmoga-moga di jolomu, jana angka hayu pe martopapi.

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

JOHANNES 14:1

Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

SURAT NI SI PAULUS TU PARLAGUTAN ROM 15:5

Debata do mual ni hapohoman dohot pangapoion. Sai dilehen Ia ma di hamu hasadaon mangihutkon hagiot ni Kristus Jesus,

1 KORINTUS 2:4

Nada markite-hite habisuhon na paposkon hupalalu hatangku dohot jamitangku tapi markite-hite dalan na patandahon kuaso na sian Tondi i do.

2 KORINTUS 9:8

Bisa do Debata mangalehen pasupasu mardapot-dapot tu hamu, anso laing singkop sibaenonmunu; marlobian dope tehe tarbaen hamu mangkarejohon na denggan.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

EPESUS 1:2

Asi ni roha dohot hasonangan ma di hamu, sian Debata Amanta dohot sian Tuhan Jesus Kristus.

1 TESSALONIKA 1:5

Angke di na manjamitahon Jamita Na Denggan i hami tu hamu, nada hum hata-hata sajo na hami jamitahon i, tapi mardongan kuaso na sian Tondi Parbadia do. Jana pos situtu do rohamunu na tutu do Jamita Na Denggan i. Diboto hamu do sanga na bia ngolunami laho manyarihon hamu dompak di tonga-tongamunu hami.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

1 SAMUEL 1:18

Dialusi si Hanna ma, “Sai tumbuk ma iba nian di rohamunu amang.” Dung i kehe ma ia, lalu mangan jana nada be marsak ia.