SURAT NI SI PAULUS TU PARLAGUTAN ROM 14:9 - BIBEL JAMITA NA DENGGAN

⁹ Madung mate Kristus, jana mulak mangolu. Hara ni i ma umbaen na gabe Tuhan Ia di halak na mangolu dohot muse di angka na dung mate.

SURAT NI SI PAULUS TU PARLAGUTAN ROM 14:9 ပူးပေါင်းရင်းမြစ်များ

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

JOHANNES 12:24

Tutu do na Hudok on tu hamu: Muda so nisuan tu tano jana mate same i, laing tinggal sangkibung i sajo do i. Tapi muda mate same i, baru pe anso bahat eme diparbatuhon.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 10:42

Jana disuruhon Ia ma hami mamaritahon Jamita Na Denggan i tu bangso on, dohot mangalehen hasaksian paboa Ia do na niangkat ni Debata gabe Panguhum tu angka jolma na mangolu dohot tu angka jolma na dung mate.

SURAT NI SI PAULUS TU PARLAGUTAN ROM 10:9

Angke sugari dioku ho markite-hite pamanganmu, “Ia do Tuhan,” jana porsaya ho di bagasan rohamu, na dung dipangolu Debata Jesus sian hamatean, malua ma ho.

2 KORINTUS 5:14

Holong ni roha ni Kristus do na mangarajai hami. Jana hami boto do: Muda mate sada halak humopkop halak sudena, paboa na dung mate do sudena halahi.

1 TESSALONIKA 4:14

Tahaporsayai do, anggo Jesus madung mate jana mulak mangolu. Hara ni i ma umbaen na gabe tahaporsayai, obanon ni Debata muse do sude angka na monding i na porsaya tu Jesus anso rap dohot Ia.

1 TESSALONIKA 5:10

Hara ni hita do umbaen na mate Jesus, anso tarbaen mangolu hita rap dohot Ia muda ro Ia muse – sanga na laing mangolu hita disi sanga pe na dung mate.

2 TIMOTEUS 4:1

Ro dope Kristus Jesus tu tano on manguhumi angka jolma na mangolu dohot na mate; jana ro ma Ia mamarenta songon Raja. Jadi hara ni i gomos ma pangidoanku tu ho, di jolo ni Debata dohot Kristus Jesus:

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

1 PETRUS 4:5

Tapi angkon lehenon ni halahi do saulahon partanggung jawaban tu Debata na dung singkop laho manguhumi halak na mangolu dohot halak na dung mate.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.