SURAT NI SI PAULUS TU PARLAGUTAN ROM 14:6 - BIBEL JAMITA NA DENGGAN

⁶ Halak na mangkilala umporlu sada-sada ari, laho pasangap Tuhan i do dibaen halahi songon i. Halak na mangankon sanga aha sajo, laho pasangap Tuhan i do i, angke mandok tarimakasi do ia tu Debata hara ni sipanganon i. Laing songon i muse do halak na marimbar sipanganonna; halahi pe dipasangap halahi do Tuhan i jana mandok tarimakasi do halahi tu Debata.

SURAT NI SI PAULUS TU PARLAGUTAN ROM 14:6 ပူးပေါင်းရင်းမြစ်များ

HARURUAR 12:14

Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

HARURUAR 12:42

Di borngin i torus do Tuhan marjago-jago laho manaruhon halahi haruar sian Mesir. Jana borngin i muse ma na gabe borngin sisombahonon tu Tuhan di ari-ari na ro, gabe borngin parningotan. Di borngin i angkon marjago-jago halak Israel.

HARURUAR 16:25

Didok si Musa ma, “On ma panganonmunu sadari on, angke Ari Sabat do sadari on, ari paradianan laho pasangap Tuhan, jana hamu pe nada dapot hamu saotik pe sipanganon di balian ni parbandaran on.

JESAYA 58:5

Muda marpuaso hamu, diparkanciti hamu dirimunu; dipaunduk hamu ulumunu maradu puhung songon bulung ni duhut. Dipahembang hamu abit goni dohot abuan anso modom hamu di ginjangna i. Songon i ma didok hamu lakna na puaso? Diambang hamu jop ma lakna roha ni Tuhan mida pangalaho na songon i?

ZAKARIA 14:21

Sude hudon na adong di Jerusalem dohot na di Juda sudena hapunjungkonon ma i baen sipakeon di bagasan paribadatan tu Tuhan Na Markuaso i. Pakeon ni halak na manghaulkon haul ma i pangalompaan ni juhut sihaulkononna i. Muda dung dapot hatiha i, nada adong be parjagal di Bagas Ni Tuhan Na Markuaso i.

MATEUS 14:19

Dung i disuruhon Ia ma halak na bahat i marjuguhan di duhut-duhut i. Dung i dibuat Ia ma roti na lima i dohot ihan na dua i. Manatap ma Ia adop langit, mandok tarimakasi tu Debata. Dipasupasu Ia ma roti i, dung i dilehen Ia ma tu anak siseanNia i anso dibagi-bagihon tu halak na bahat i.

MATEUS 15:36

Dung i dibuat Ia ma roti na pitu i dohot ihan i. Didok Ia tarimakasi, diponggoli Ia ma roti i dohot ihan i, dileheni Ia ma tu angka anak siseanNia i. Dibagi-bagihon halahi ma tu halak na bahat i.

JOHANNES 6:28

Dung i disapai halahi ma tuSia, “Aha do sibaenonnami anso tarkarejohon hami hagiot ni Debata?”

GALATIA 4:10

Manjujur-jujur ari hamu, dohot bulan, dohot hatiha na denggan, dohot taon.