SURAT NI SI PAULUS TU PARLAGUTAN ROM 14:4 - BIBEL JAMITA NA DENGGAN

⁴ Tarbia ma he hajolmaonmu umbaen na jabat diuhumi ho naposo ni halak na asing? Sanga na tungkap naposo i sanga na jongjong, inda he urusan ni tuannia i do i? Jana denggan do ia jongjong angke marguru di Tuhan do mambaen ia jongjong.

SURAT NI SI PAULUS TU PARLAGUTAN ROM 14:4 ပူးပေါင်းရင်းမြစ်များ

MASMUR 17:5

Sai marguru tu hagiotMu do ngolungki jana nada manyimbil sian i.

MASMUR 37:17

Angke ponggolkonon ni Tuhan do kuaso ni parjahat, tapi lehenonNia do pangondian tu halak na tigor.

MASMUR 37:24

Muda tinggang pe ia, nada jabat poran bugangnia, angke digolom Tuhan do tangannia.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

JESAYA 40:29

Dipargogoi Ia halak na gale, dilehen Ia kuaso di halak na dae-dae.

BAENON NI ANGKA RASUL 11:17

Jadi tangkas do, dilehen Debata muse do tu halak na so marugamo Jahudi silehen-lehen na sarupa songon na nilehenNia tu hita di na tahaporsayai Tuhan Jesus Kristus. Antong, bia ma he pangalarangku di Debata!”

SURAT NI SI PAULUS TU PARLAGUTAN ROM 11:23

Jana taringot tu halak Jahudi pe, sugari mantak halahi na so ra porsaya i, dilohotkon do halahi muse, angke tuk do gogo ni Debata mangalohotkon halahi mangulahi.

SURAT NI SI PAULUS TU PARLAGUTAN ROM 14:3

Sanga ise na so marimbar panganonna, ulang pola gabe layas rohania mida halak na marimbar sipanganonna; jana halak na marimbar sipanganonna, ulang ma antong disalahon ia angka na mangankon sasudena, angke salang Debata madung manjagit ia.

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.