SURAT NI SI PAULUS TU PARLAGUTAN ROM 14:3 - BIBEL JAMITA NA DENGGAN

³ Sanga ise na so marimbar panganonna, ulang pola gabe layas rohania mida halak na marimbar sipanganonna; jana halak na marimbar sipanganonna, ulang ma antong disalahon ia angka na mangankon sasudena, angke salang Debata madung manjagit ia.

SURAT NI SI PAULUS TU PARLAGUTAN ROM 14:3 ပူးပေါင်းရင်းမြစ်များ

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 9:14

Dung i ro ma anak sisean ni si Johannes Pandidi manyapai Jesus. Ninna halahi ma, “Biasi muda hami dohot angka Parise jotjot puaso, hape anggo anak siseanMu nada unjung puaso?”

LUKAS 18:9

Dicaritohon Jesus muse dope umpama on tu halak na mangetong hum dirina sajo do na nihalomohon ni Debata jana halak na asing i siapasanna.

BAENON NI ANGKA RASUL 10:34

Dung i mandok hata ma si Petrus, “Saonnari tangkas ma huastui, na sarupa do hape sude jolma diida Debata.

BAENON NI ANGKA RASUL 10:44

Dompak na mandok hata i dope si Petrus, mijur ma Tondi Parbadia manggohi sudena halak na umbege barita i.

BAENON NI ANGKA RASUL 28:2

Burju-burju do halak pulo i maradopkon hami. Denggan do dijagit halahi hami jana manigor dipagara halahi do api di hami, angke mamungka ma ro muse udan boti hara ni ngali ni ari.

SURAT NI SI PAULUS TU PARLAGUTAN ROM 11:15

Dibaen muda panulakon ni halahi gabe pardengganan tu portibi on, nada he gabe songon hangoluan sian na mate ma i, muda dung tulus halahi dijagit?

SURAT NI SI PAULUS TU PARLAGUTAN ROM 14:1

Jagit hamu ma halak na gale dope haporsayaanna, ulang ma uhumi hamu pandapot ni halahi.

SURAT NI SI PAULUS TU PARLAGUTAN ROM 14:10

Antong, hamu ale angka dongan! Aha ma gunana muda dipasala hamu dongan sahaporsayaanmunu? Jana aha pola gunana lakna muda layas rohamunu mida halahi? Sasudena hita on, angkon mangadop tu Debata anso diuhumi.

SURAT NI SI PAULUS TU PARLAGUTAN ROM 14:13

Hara ni i ulang marsiuhuman hita sama hita! Gumonan ma ulang tabaen sanga aha na maroban donganta gabe madabu sanga tartuktuk.

SURAT NI SI PAULUS TU PARLAGUTAN ROM 14:15

Tapi muda hara ni sanga aha na nipanganmunu, gabe hancit roha ni donganmu sahaporsayaan, jadi nada marojahan tu holong ni roha be hamu disi. Muda na dung mate Kristus hara ni sada-sada halak, ulang ma padiar hamu sego halahi patunda ni na nipanganmunu.

SURAT NI SI PAULUS TU PARLAGUTAN ROM 14:21

Gumonan ma indangkon sai nipangan juhut sanga niinum anggur sanga aha sajo pe tehe, muda patunda ni i do tartuktuk dongan na asing.

SURAT NI SI PAULUS TU PARLAGUTAN ROM 15:7

Antong marsijagitan ma hamu sama hamu, songon panjagit ni Kristus di hamu sude laho pasangapkon Debata.