SURAT NI SI PAULUS TU PARLAGUTAN ROM 14:21 - BIBEL JAMITA NA DENGGAN

²¹ Gumonan ma indangkon sai nipangan juhut sanga niinum anggur sanga aha sajo pe tehe, muda patunda ni i do tartuktuk dongan na asing.

SURAT NI SI PAULUS TU PARLAGUTAN ROM 14:21 ပူးပေါင်းရင်းမြစ်များ

MALEAKI 2:8

Hape saonnari, madung manyimbil hamu angka malim sian dalan na tutu. Hara ni angka pangajaranmunu, hona sarat do bahat halak gabe mambaen na sala. Diputuskon hamu do parjanjian dohot halak Levi ninna Tuhan Na Markuaso.

MATEUS 13:21

Tapi nada pola sadia gomos di bagasan roha ni halahi, gabe inda sadia honok tahan. Muda ro hasusaan dohot pangayak-ayahan hara ni jamita i, manigor marbalik ma halahi.

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

SURAT NI SI PAULUS TU PARLAGUTAN ROM 14:13

Hara ni i ulang marsiuhuman hita sama hita! Gumonan ma ulang tabaen sanga aha na maroban donganta gabe madabu sanga tartuktuk.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

1 KORINTUS 8:13

Hara ni i, muda sipanganon do mambaen batu partuktuhan tu donganku, gumonan indangkon mangan juhut be au. Betak sai bia gabe batu partuktuhan i maradopkon donganku.

1 KORINTUS 8:9

Tapi jamot ma hamu anso ulang jabat gabe batu partuktuhan tu halak na asing hara ni na tola hamu mambaen sanga na aha, hara ni na so togu dope pos ni roha ni halahi.

PILIPPI 1:10

anso malo hamu mamili na dumenggan. Muda songon i do hamu, ias ma ngolumunu sian tihas dohot tilako sanga aha pe di haroro ni ari ni Kristus mangulahi.

IBRANI 12:13

Di dalan na hornop ma hamu mardalan, anso ulang tarbalingsu patmunu, tapi mur tu malumna ma.

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.