SURAT NI SI PAULUS TU PARLAGUTAN ROM 14:20 - BIBEL JAMITA NA DENGGAN

²⁰ Ulang ma hara ni angka sipanganon, gabe disego-sego hamu na nikarejohon ni Debata. Tutu do, ias do sude sipanganon; tapi muda patunda ni na nipanganmunu do gabe mardosa halak na asing, hamu do na sala disi.

SURAT NI SI PAULUS TU PARLAGUTAN ROM 14:20 ပူးပေါင်းရင်းမြစ်များ

MATEUS 15:11

Nada na masuk tu pamangan na pahodarhon jolma, tapi na haruar sian pamangan i do na pahodarhon.”

MATEUS 18:6

“Sanga ise na mambaen gabe so porsaya be angka na menek on tu Au, gumonan ma ditambatkon losung batu tu rungkung ni halak sisongon i, anso nibonomkon i tu laut na bagas.

BAENON NI ANGKA RASUL 10:15

Didok sora i ma mangulahi tusia, “Sanga aha na nihalalkon ni Debata, ulang ma etong na haram i.”

SURAT NI SI PAULUS TU PARLAGUTAN ROM 14:2

Adong do halak na mandok, tola panganonna sanga aha sajo pe. Tapi adong muse do halak na gale dope haporsayaanna; hum angka sayur simarata sajo ma dihilala ia na tola panganonnia.

SURAT NI SI PAULUS TU PARLAGUTAN ROM 14:21

Gumonan ma indangkon sai nipangan juhut sanga niinum anggur sanga aha sajo pe tehe, muda patunda ni i do tartuktuk dongan na asing.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!