SURAT NI SI PAULUS TU PARLAGUTAN ROM 14:2 - BIBEL JAMITA NA DENGGAN

² Adong do halak na mandok, tola panganonna sanga aha sajo pe. Tapi adong muse do halak na gale dope haporsayaanna; hum angka sayur simarata sajo ma dihilala ia na tola panganonnia.

SURAT NI SI PAULUS TU PARLAGUTAN ROM 14:2 ပူးပေါင်းရင်းမြစ်များ

PAMUNGKAAN 1:29

Hupasahat ma tu hamu sude ragam ni na marbatu dohot sude ragam ni suan-suanan gabe panganonmunu;

PAMUNGKAAN 9:3

Jana saonnari tola ma panganonmunu i sude tamba ni angka simarata; Hupasahat ma i sude gabe sipanganonmunu.

PODA 15:17

Dumengganan do mangan simarata dohot halak na nihaholongan, ulang pado mangan juhut na tabo rap dohot halak goyak ni roha.

DANIEL 1:12

“Uji ma hami sampulu ari honokna; lehen ma ingkayu sajo dohot aek di hami baen panganon dohot inumonnami.

DANIEL 1:16

Mamungka sian i nada dipasingkop pangawal i be di halahi panganon dohot inumon na nitontuhon ni raja i, tapi hum ingkayu dohot aek sajo noma.

SURAT NI SI PAULUS TU PARLAGUTAN ROM 14:1

Jagit hamu ma halak na gale dope haporsayaanna, ulang ma uhumi hamu pandapot ni halahi.

SURAT NI SI PAULUS TU PARLAGUTAN ROM 14:14

Huboto do jana porsaya do au di bagasan Tuhan Jesus, na so adong sanga aha na hodar sian dirina humani; tapi gabe hodar ma i di sada-sada halak, muda hodar i dihilala ia.

SURAT NI SI PAULUS TU PARLAGUTAN ROM 14:20

Ulang ma hara ni angka sipanganon, gabe disego-sego hamu na nikarejohon ni Debata. Tutu do, ias do sude sipanganon; tapi muda patunda ni na nipanganmunu do gabe mardosa halak na asing, hamu do na sala disi.

SURAT NI SI PAULUS TU PARLAGUTAN ROM 15:1

Anggo hita na margogo, angkon manaon hagaleon ni angka na so margogo do. Ulang ma tajalahi hasonangan ni dirinta sandiri.

1 KORINTUS 10:25

Tola do sude panganonmunu sanga juhut aha na digadis di pajak daging. Ulang pola jolo tangkasi hamu, haru adong pe panggora di bagasan rohamunu.

1 KORINTUS 8:9

Tapi jamot ma hamu anso ulang jabat gabe batu partuktuhan tu halak na asing hara ni na tola hamu mambaen sanga na aha, hara ni na so togu dope pos ni roha ni halahi.

1 KORINTUS 9:22

Muda di tonga-tonga ni angka na so togu dope pos ni rohana, hubaen do au tarsongon halak na so togu dope pos ni rohana anso dapot au halahi di Kristus. Hara ni i, anggo au gabe songon na marragam-ragam ma pangalahongku tu sudena halak, anso sian dalan na marragam i tarbaen au paluahon halahi deba.

GALATIA 2:12

Mula-mulana sajuguhan ia mangan rap dohot angka dongan na so Jahudi. Hape dung ro angka halak na nisuru ni si Jakobus, dipadao ia ma dirinia sian angka dongan na so Jahudi i. Gabe nada ra be ia mangan rap dohot halahi. Hara ni na mabiar ia maradopkon angka halak na sai mangkagioti anso sude jolma marsunat.

1 TIMOTEUS 4:4

Denggan do sasudena sanga aha na nijadihon ni Debata, sada pe sian i nada tama etongon na so hasaya muda dung nijagit i mardongan hatarimakasion tu Debata.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.