SURAT NI SI PAULUS TU PARLAGUTAN ROM 14:19 - BIBEL JAMITA NA DENGGAN

¹⁹ Jadi hara ni i, siparayahanta do tongtong angka pangalaho na mambaen hasosonang jana na marsipadengganan.

SURAT NI SI PAULUS TU PARLAGUTAN ROM 14:19 ပူးပေါင်းရင်းမြစ်များ

MASMUR 133:1

Dengganna i jana sonangna i antong, muda mardenggan angka na markahamaranggi di ngoluna.

MASMUR 34:14

Padao ma ho sian na jahat, patulus ma na denggan, gogoi ma parayakkon hadamean.

MATEUS 5:9

Martua ma angka na mambaen dame, dibaen nigoar do halahi anak ni Debata.

MARKUS 9:50

Jeges do sira i, tapi muda hambar daina, bia ma baenon paancimkon sira i? Antong, sai gabe songon sira ma hamu – rap mardame-dame ma hamu sama hamu.”

SURAT NI SI PAULUS TU PARLAGUTAN ROM 12:18

Intap ni na tarbaen, mardame ma ngolumunu tu halak sudena.

SURAT NI SI PAULUS TU PARLAGUTAN ROM 15:2

Gumonan do hita manjalahi hasonangan ni dongan, laho parayakkon hadenggananna jana paulihonsa.

1 KORINTUS 10:23

Ninna halak, “Tola do baenonta sanga na aha giotta.” Tutu do i! Tapi nada sude giotta i marguna. “Tola do baenonta sanga na aha giotta” – tapi nada sude na tahagioti i padenggankon ngolunta.

1 KORINTUS 10:33

Songon ngolungkon ma parngoluonmunu. Sai huparayak do pasonang roha ni sudena halak di bagasan sasude na hukarejohon, so pola giot mambuat untung di au sandiri. Anggo tujuanku hum on do; anso tarpalua nian halahi sudena.

1 KORINTUS 14:26

Antong hamu ale angka dongan, aha ma he astuan ni i sudena? Muda marlagut hamu laho marsomba tu Tuhan: Adong ma na marende, adong na mangajari, adong na paboahon sanga na aha sian Debata, adong na mangkobari di hata na so niastuan, jana adong na patorangkon sanga aha na nidokna i. Tapi sasudena i, angkon mangajari dohot padenggankon do tu sudena i nibaen.

1 KORINTUS 14:3

Tapi sanga ise na manyurirangi, tu jolma do ia mangkobari laho patoguhon roha ni halahi, pajopkon roha dohot mangapoi halahi.

1 KORINTUS 14:4

Sanga ise na mangkobari di hata na so niastuan, hum dirinia sajo do na nipatogunia, hape anggo halak na manyurirangi, i do na mangurupi parlagutan i anso mur tu majuna.

1 KORINTUS 14:5

Denggan sajo do sugari nian malo hamu sude mangkobari di hata na so niastuan. Tapi na dumenggan, sugari nian malo ma hamu sude manyurirangi. Angke gumodang do halak na manyurirangi ulang pado halak na mangkobari di angka hata na so niastuan; asing ma rupani muda adong halak na mangkobari di hata na marragam na so niastuan, tapi laing malo muse ia patorangkon sanga aha na nidoknia i, anso sudena parlagutan i dapotan parsaulian.

1 KORINTUS 7:15

Tapi muda giot sirang na so porsaya i sian daborunia i, sanga halaklahina na Kristen, sirang ma ia tusi. Anggo di pangalaho na songon on, bebas do hamu, harana ulang so dame hamu, i do hagiot ni Debata.

1 KORINTUS 8:1

Taringot tu sipanganon na nihaulkon tu gana-ganaan ma saonnari. Jadi tutu do songon na nidok ni halak, “Na dung marparbinotoan do hita sude.” Tapi hamaloan laho mambaen anso pagodang diri do halak, hape nian anggo holong ni roha i laho padenggankon parrohaon ni halak do i.

2 KORINTUS 12:19

Betak na dipikir rohamunu do na laho mangabarahon dirinami sandiri hami maradopkon hamu sahonokna on. Di adopan ni Debata dohot Kristus hami dokkon ma: Sasudena i dikarejohon laho patoguhon haporsayaanmunu.

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

EPESUS 4:12

Dibaen Ia sasudena i anso singkop do sudena halak na porsaya laho mangoloi Tuhan bope laho mambangun pamatang ni Kristus i.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

1 TIMOTEUS 1:4

Paingot ma halahi, anso ulang sai kehe be roha ni halahi tu angka turi-turian bope angka barita ni asal mula na so marnasidung. Hum parohon partangkangan sajo do i jana nada mambaen maju sangkap ni Debata na bisa taboto hum sian haporsayaan sajo.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

1 PETRUS 3:11

Angkon mandao do ia sian na jahat jana dipatulus ia ma na denggan; marsitutu ma ia parayakkon hadameon.