SURAT NI SI PAULUS TU PARLAGUTAN ROM 14:10 - BIBEL JAMITA NA DENGGAN

¹⁰ Antong, hamu ale angka dongan! Aha ma gunana muda dipasala hamu dongan sahaporsayaanmunu? Jana aha pola gunana lakna muda layas rohamunu mida halahi? Sasudena hita on, angkon mangadop tu Debata anso diuhumi.

SURAT NI SI PAULUS TU PARLAGUTAN ROM 14:10 ပူးပေါင်းရင်းမြစ်များ

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PARJAMITA 12:14

Uhumon ni Debata do sude parbuatanta; na denggan dohot na jat, salang na buni pe tehe.

MATEUS 7:1

“Ulang uhumi hamu halak, anso ulang diuhumi hamu.

LUKAS 18:9

Dicaritohon Jesus muse dope umpama on tu halak na mangetong hum dirina sajo do na nihalomohon ni Debata jana halak na asing i siapasanna.

LUKAS 23:11

Dipacia-cia si Herodes dohot angka tentarana i ma Jesus, diincak-incahi, dung i diabitkon halahi ma tusia pakean hasangapan, dung i ditongos halahi ma Jesus mangulahi tu si Latus.

JOHANNES 5:22

Nada mandabu uhum anggo Ama i sandiri sanga na tu ise pe. Angke anggo kuaso laho mandabu uhum, na dung dipasahat do i di AnakNa i.

BAENON NI ANGKA RASUL 10:42

Jana disuruhon Ia ma hami mamaritahon Jamita Na Denggan i tu bangso on, dohot mangalehen hasaksian paboa Ia do na niangkat ni Debata gabe Panguhum tu angka jolma na mangolu dohot tu angka jolma na dung mate.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

BAENON NI ANGKA RASUL 4:11

Jesus i ma: ‘Batu na niambungkon ni angka tukang bagas – i ma hamu sandiri –, hepengani i do na gabe batu parsuhi.’

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.