SURAT NI SI PAULUS TU PARLAGUTAN ROM 13:8 - BIBEL JAMITA NA DENGGAN

⁸ Ulang marutang hamu bagi aha tu sanga ise pe, di balik ni utang holong ni roha na sada tu na asing. Harana sanga ise halak na mangkaholongi dongan jolma, madung dipatulus halahi Tona i.

SURAT NI SI PAULUS TU PARLAGUTAN ROM 13:8 ပူးပေါင်းရင်းမြစ်များ

MATEUS 7:12

Baen ma tu halak na asing, sanga aha por ni rohamu baenon ni halahi tu hamu. Songon i ma impola ni angka Tona dohot hata ni angka panurirang.”

JOHANNES 13:34

Jagit hamu ma tona na imbaru on sian Au: Angkon marsihaholongan do hamu sama hamu. Songon pangkaholongingKu di hamu, laing songon i ma angkon marsihaholongan hamu.

SURAT NI SI PAULUS TU PARLAGUTAN ROM 13:10

Sanga ise na mangkaholongi donganna jolma, nada baenonna be na jahat tu halahi. Jadi sanga ise na markolong ni roha, i ma halak na dung patuluskon Tona i.

SURAT NI SI PAULUS TU PARLAGUTAN ROM 13:7

Garari hamu ma tu sude halak sanga aha na patut sigararonmunu: Garar hamu ma pajak di na patut manggarar pajak hamu, garari hamu bea di na patut manggarar bea. Habiari hamu ma na patut sihabiaran jana parsangapi hamu ma na patut sipasangapon.

GALATIA 5:14

Angke sude Tona i dipasada do di bagasan sada parenta na mandok, “Angkon haholonganmu do donganmu jolma songon pangkaholongimu di dirimu sandiri.”

KOLOSSE 3:14

Jana na umporlu: Angkon marsihaholongan do hamu sama hamu, angke holong i do na pasadahon hamu sudena gabe sanggam.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

JAKOBUS 2:8

Na denggan ma na nibaenmunu muda dipatulus hamu tona na gumodang tarsurat di Buku Na Badia i na mandok, “Haholongi ma donganmu jolma songon pangkaholongimu di dirimu sandiri.”

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.