SURAT NI SI PAULUS TU PARLAGUTAN ROM 13:7 - BIBEL JAMITA NA DENGGAN

⁷ Garari hamu ma tu sude halak sanga aha na patut sigararonmunu: Garar hamu ma pajak di na patut manggarar pajak hamu, garari hamu bea di na patut manggarar bea. Habiari hamu ma na patut sihabiaran jana parsangapi hamu ma na patut sipasangapon.

SURAT NI SI PAULUS TU PARLAGUTAN ROM 13:7 ပူးပေါင်းရင်းမြစ်များ

1 RAJA-RAJA 3:17

Didok sahalak sian anak boru i ma, “Raja i, na huparsangapi. Sabagas do au dohot anak boru on. Nada adong halak na asing na rap dohot hami. Di ari na salpu sorang ma anakku halaklahi. Dua ari dung i sorang muse ma anaknia halaklahi.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

PODA 24:21

O anakku, habiari ma Tuhan, jana pasangap ma raja. Ulang ho dohot-dohotan tu na mangalo halahi.

PODA 3:27

Intap ni na tarbaen ho, baen ma na denggan tu angka halak na manghaporluhon hadenggananmu.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

MATEUS 17:25

Dialusi si Petrus ma, “Manggarar!” Jadi dung mulak si Petrus, inda didok ia dope sanga na aha manigor didok Jesus ma tusia, “O, Simon! Bia do ninna rohamu? Ise do sigarar pajak sanga bea tu angka raja na di tano on? Rayat i do sanga halak na asing?”

MATEUS 22:21

“Kesar i,” ning halahi mangalusi. Dung i didok Jesus ma tu halahi, “Antong garari hamu ma tu Kesar i sanga aha nampuna ni Kesar i, jana garar muse ma tu Debata sanga aha nampuna ni Debata.”

MARKUS 12:17

“Antong anggo songon i do, pasahat hamu ma mangulahi tu Kesar sanga aha nampuna ni Kesar i. Laing pasahat hamu ma mangulahi tu Debata sanga aha nampuna ni Debata!” Jadi homang ma roha ni halahi umbege Ia.

LUKAS 20:22

Tola dehe hami manggarar pajak tu Kesar sanga nada?”

LUKAS 20:25

Dung i didok Jesus ma tu halahi, “Anggo songon i, lehen hamu ma tu Kesar i sanga aha na patut lehenon tu Kesar i, jana lehen ma tu Debata sanga aha na patut lehenon tu Debata.”

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

SURAT NI SI PAULUS TU PARLAGUTAN ROM 13:6

Laing hara ni i ma, umbaen na angkon gararonmunu pajak, angke songon parkarejo ni Debata do pamarenta laho mandalankon karejo sisongon i.

EPESUS 5:33

Tapi laing adong do hahonaan ni ayat i tu hamu: Dihaholongi ganop halaklahi ma dadaboruna, songon dia ma rupani dirinia sandiri dadaboruna i, jana ganop dadaboru angkon pasangapkon halaklahina.

EPESUS 6:5

Hamu angka dongan na gabe hatoban! Oloi hamu ma parenta ni tuanmunu na di tano on. Mardongan sangap dohot biar ni roha jana burju ma baen hamu i songon na mangoloi Tuhan i sandiri.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

1 TIMOTEUS 5:17

Angka sintua na denggan markarejo songon pamimpin, patut do lehenon dua noli lompit sangap tu halahi, lumobi angka na ringgas marjamita dohot mangajari.

1 TIMOTEUS 6:1

Angka halak Kristen na gabe hatoban, angkon etongon ni halahi do na patut nihormatan tuan ni halahi i anso ulang tarpajatjat halak Debata sanga pe pangajaranta.

1 PETRUS 3:7

Bope hamu angka ama, mardongan bisuk ma hamu maradopkon dadaborumunu jana mardongan roha na torang, ingot hamu ma halak na gale do halahi. Sangap ma baen hamu halahi, angke rap na giot hasahatan ni ngolu na tutu na sian Debata do halahi dohot hamu. Di ngolu na songon i, nada adong be na mangambati tangiangmunu maradopkon Tuhan.

1 SAMUEL 12:18

Dung i martangiang ma si Samuel jana laing di ari i diparo Tuhan ma ronggur dohot udan. Mabiar be ma sude bangso i tu Tuhan dohot tu si Samuel.