SURAT NI SI PAULUS TU PARLAGUTAN ROM 13:12 - BIBEL JAMITA NA DENGGAN

¹² Salpu ne ma borngin; jana torang ma ari santongkin nari. Antong, taantak ma angka pangalaho na golap. Tapasingkop ma dirinta dohot sinjata na torang.

SURAT NI SI PAULUS TU PARLAGUTAN ROM 13:12 ပူးပေါင်းရင်းမြစ်များ

ENDE NA GODANG 2:17

lopus mangombus alogo ni ari manyogot, di na kehe hagolapan dipaorot. Mulak ma, hasudungan, songon ursa jantan, na ro sian luat partoran.

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

1 KORINTUS 10:11

Masa pe sudena i, na gabe tiruan do i tu angka halak na asing. Jana nisuratkon do sudena i anso gabe parningotan di hita. Angke di hatiha parpudi noma hita mangolu.

1 KORINTUS 7:29

Tapi on do na hudok, hamu ale angka dongan: Otik noma hatiha di hita. Mamungka saonnari, sanga ise na marripe, songon na so marripe ma dibaen ia ngoluna;

2 KORINTUS 10:4

Nada hami pake angka sinjata ni portibi on di bagasan paraloannami tapi angka sinjata ni Debata na markuaso i do. Sinjata i do hami baen manaluhon angka partahanan ni jolma. Hami alusi do sude angka parsoalan

2 KORINTUS 6:7

di na manjamitahon jamita na sintong dohot kuaso ni Debata, markite-hite sinjata hatigoran i do hami mangaroro sanga martahan.

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.

IBRANI 10:25

Ulang ma tatinggalkon parlagutanta i, songon na nibaen ni na deba. Angkon mur umburju ma nian hita marsipaingotan sama hita, angke taboto do, ro ne ma Tuhan i.

IBRANI 12:1

Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

JAKOBUS 5:8

Hamu pe angkon laing sobar do jana margodang ni roha, harana madung donok ari haroro ni Tuhan i.

1 PETRUS 2:1

Antong, ambungkon hamu ma sian dirimunu sandok na jat; ulang be hamu margabus jana ulang be mangalancap. Ulang mangiburu jana ulang mandok hata na jat hamu taringot tu dongan.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

2 PETRUS 3:11

Antong, anggo na giot segohonon do sudena i, angkon gabe na badia ma ngolumunu jana marpangoloion tu Debata,

2 PETRUS 3:9

Nada tarlambat Debata mangalehen sanga aha na nijanjihonNia songon na nipikiran ni deba halak. Tapi sobar do Ia paadop-adop hamu, angke sahalak pe nada dihagioti Ia mago. GiotNia ulang so muba nian sude roha ni jolma sian angka dosana be.

1 JOHANNES 2:18

Hamu angka dakdanakku, hatiha na parpudi do saonnari, songon na dung dibege hamu, giot ro ma musu ni Kristus i, jana madung mur bahat musu ni Kristus i saonnari; i ma tandana na hatiha parpudi do saonnari.

HALUMBAAN 1:3

Martua ma na mambasahon dohot na manangihon angka hata panurirangon on, jana na mangoloi angka na tarsurat di bagasanna, angke madung donok hatihana.

HALUMBAAN 22:10

Dung i ning ia ma mangulahi, “Ulang rahasiahon angka sipaingot na sian hasurirangon na di bagasan buku on, angke dapot ma hatihana anso tarjadi sudena on.