SURAT NI SI PAULUS TU PARLAGUTAN ROM 12:20 - BIBEL JAMITA NA DENGGAN

²⁰ Hara ni i, muda male musumunu, lehen ma ia mangan; jana muda manguas ia, lehen muse ma ia minum. Angke muda songon i dibaen hamu, gabe ila ma rohania dibaen hamu.

SURAT NI SI PAULUS TU PARLAGUTAN ROM 12:20 ပူးပေါင်းရင်းမြစ်များ

PAMUNGKAAN 42:25

Diparentahon si Josep ma anso diisi angka harung ni angkangnia dohot eme, jana hepeng ni halahi i pe dipaulak mangulahi tu bagasan ni angka harung i. Dohot muse anso dilehen panganon di halahi balanjo di dalan. Dipatulus do sude parentania i.

2 RAJA-RAJA 6:22

“Ulang,” ning si Elisa. “Salangkan tentara na nitangkup ni raja i di parporangan nada pola dibunu raja i, mur on ma hape. Lehen ma halahi mangan dohot minum, dung i padiar ma marmulahan halahi mandapotkon raja ni halahi.”

MASMUR 120:4

Dohot pana na tajom ni ulubalang, dohot banggar na gara-gara!

MASMUR 140:10

Padiar ma durus banggar ni api tu halahi jana dijulungkon tu lubang lopus nada tarbaensa ruar sian i.

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

LUKAS 6:27

“Tapi anggo tu hamu angka na umbege hatangKu saonnari on, on ma tonangKu tu hamu: Haholongi ma angka musumu, jana denggan ma pangalahomu tu angka na mangkagigihon ho.

SURAT NI SI PAULUS TU PARLAGUTAN ROM 12:21

Ulang ma padiar hamu dirimunu ditaluhon na jat i, tapi taluhon hamu ma hajahatan i markite-hite hadengganan.

1 SAMUEL 26:21

Dung i dialusi si Saul ma, “Ma sala na hubaen i. Mulak ma ho anakku, Daud! Nada baenonku be na jahat tu ho, dibaen madung dipadiar ho au mangolu napotangin. Na bodo ma antong pangalahongku. Na dung tutu situtu do au hape lilu.”