Godang do kota Abelnami on – on ma sada kota na dumame dohot na tigor di tano Israel. Biasi giot roncohonon ni tuan i kota on? Na por dehe rohamu manyegohon tano ni Tuhan?”
Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.
Tapi muda giot sirang na so porsaya i sian daborunia i, sanga halaklahina na Kristen, sirang ma ia tusi. Anggo di pangalaho na songon on, bebas do hamu, harana ulang so dame hamu, i do hagiot ni Debata.
Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.
Patuduhon hamu ma sangap na sagodang-godangna tu halahi. Haholongi hamu ma halahi marningot karejo na nibaen ni halahi. Sai mardame ma hamu na sada tu na asing.
Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.
Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.