SURAT NI SI PAULUS TU PARLAGUTAN ROM 12:13 - BIBEL JAMITA NA DENGGAN

¹³ Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

SURAT NI SI PAULUS TU PARLAGUTAN ROM 12:13 ပူးပေါင်းရင်းမြစ်များ

2 SAMUEL 17:29

aer ni loba, miak, kapala ni susu dohot biri-biri sanga na piga. Diboto halahi do na malean si Daud dohot parangannia i, manguas boti loja hara ni na mardalan di halongonan i.

2 RAJA-RAJA 4:10

Denggan do muda tabaen sada kamar di tirket parginjang di bagasta on, tapasingkop ma sude podomanna, meja, karosi dohot lampu anso tarbaen ia disi marborngin ganop ro ia manopot hita.”

MASMUR 41:1

Martua ma halak na mamparrohahon jolma na gale; urupan ni Tuhan do ia di hamamasa ni hasusaan.

PODA 31:20

Nada mangholit ia tu na marhahurangan; denggan do rohania tu na mamorluhon tolongan.

MATEUS 25:35

Angke taran malean Au, dilehen hamu do Au mangan. Dompak manguas Au, dilehen hamu do Au minum. Di na tarpunjung Au, dijagit hamu do Au di bagasmunu.

BAENON NI ANGKA RASUL 10:4

Diligi ia ma tu surusuruan i mardongan biar, didok ia ma, “Aha do ulaning Tuan?” Dialusi surusuruan i ma, “Madung dijagit Debata tangiang dohot denggan ni rohamu jana diingot Debata do ho.

BAENON NI ANGKA RASUL 4:35

jana dipasahat halahi ma i tu angka rasul i. Dung i dibagi-bagihon ma hepeng i tu halak na mangkaporluhon.

SURAT NI SI PAULUS TU PARLAGUTAN ROM 12:8

Halak na laho paingotkon dongan, angkon marsitutu ma paingotkon halak na asing. Halak na marsilehen-lehen na adong disia, angkon sian burju ni roha na patut ma i dibaen. Halak na mamimpin, angkon dihaburjuhon ma na mamimpin i. Halak na maribo ni roha tu na asing, angkon sian jop ni rohana do i baenonna.

1 KORINTUS 16:15

Adong dope sada nari pangidoanku tu hamu ale angka dongan. Diboto hamu do, anggo si Stefanus dohot donganna sabagas, i ma angka halak na parjolo porsaya di Akhaya, jana dipasahat do dirina mangoloi angka na porsaya.

2 KORINTUS 9:1

Anggo salaho tu bantuan na nitongos i tu angka dongan sahaporsayaan, indangkon pola be mambaen surat au tu hamu.

2 KORINTUS 9:12

Harana nada hum na manggohi hahurangan ni angka dongan sahaporsayaan sajo be pambaenanmunu na denggan i, tapi gabe mandok bahat tarimakasi ma halak tu Debata hara ni i.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

TITUS 1:8

Angkon jop do rohana manjagit tamu di bagasna, na mangkagioti pangalaho na denggan, na malo mangorom dirina, na jujur, ias jana maraturan.

TITUS 3:14

Angkon marsiajar do angka ruasta i patupahon angka na denggan anso tarbaen manggohi angka na porlu situtu; ulang jabat gabe halak na so marguna ngolu ni halahi.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

IBRANI 13:16

Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

1 PETRUS 4:9

Marsijagitan ma hamu na sada tu na asing di bagasna be, so pola humolos.

1 JOHANNES 3:17

Muda adong sada halak na marsinadongan di tano on na marnida donganna markahurangan, hape nada ra ia patuduhon ibo ni roha tu donganna i, bia ma he pandoknia na holong rohania tu Debata?

3 JOHANNES 1:5

Ale dongan na huhaholongi! Na burju do ho di pambaenanmu na nibaenmi tu angka dongan dohot tu angka halak na asing.