SURAT NI SI PAULUS TU PARLAGUTAN ROM 12:11 - BIBEL JAMITA NA DENGGAN

¹¹ Ulang ma nian sumurut hariringgasmunu i, marsigorgor ma tondimu laho mangoloi Tuhan i.

SURAT NI SI PAULUS TU PARLAGUTAN ROM 12:11 ပူးပေါင်းရင်းမြစ်များ

HARURUAR 5:17

Dialusi raja i ma, “Na losok do hamu jana nada ra markarejo, hara ni i do dibaen ro hamu mangido tu au anso huloas hamu kehe laho manghaulkon haul tu Tuhanmunu.

PODA 10:26

Songon asom tu ipon sanga songon timus tu mata, songon i do halak na losok tu na marsuru ia.

PODA 13:4

Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 18:9

Sarupa do jahat ni halak na losok karejo, dohot halak na sai mambaen sego.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

PODA 31:15

Sogot dope ma ngot ia manghobasi panganon ni halahi sabagas dohot marbagi karejo ni angka pangoloina.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 56:10

angke angka na mapitung do anggo pamimpin ni bangsongKu! Nada diboto halahi bagi aha. Songon anjing panjago na so martunggu do halahi, tapi na modom sajo do halahi.

MATEUS 24:12

Mangararati ma hajahatan, gabe bahat ma halak inda marholong ni roha be.

MATEUS 25:26

‘Ho ma naposo na jahat jana na losok!’ ning tuan i. ‘Inda he diboto ho, hubuat do parbatu sian na so husuan, dung i hubuat do suha sian na so husabur?

BAENON NI ANGKA RASUL 18:25

jana na dung diajari do ia laho mananda Dalan Ni Tuhan. Jadi sai marsitutu jana manat do ia mangajari taringot tu Jesus, haru pe hum pandidion ni si Johannes sajo dope na nibotonia.

BAENON NI ANGKA RASUL 20:19

Sai markarejo do au mangoloi Tuhan i sian sude rodop ni roha mardongan ilu ni matangku, di tonga-tonga ni parkancitan na hutaon hara ni tahi ni halak Jahudi na giot mangarohai au.

1 KORINTUS 7:22

Harana muda adong sada hatoban na porsaya tu Tuhan, i ma na gabe halak na dipalua jana Tuhan nampunasa. Laing songon i do halak na malua na dipio ni Kristus, i do na gabe naposoNia.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

KOLOSSE 4:1

Hamu angka tuan! Baen hamu ma na sintong dohot na tigor tu angka hatobanmu. Ingot hamu ma, hamu pe adong dope tuanmunu di banua ginjang.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

HALUMBAAN 2:4

Tapi anggo pangalaho na sada on nada sonang rohangKu mida hamu: Nada songon di mulana i be holong ni rohamunu.