SURAT NI SI PAULUS TU PARLAGUTAN ROM 11:26 - BIBEL JAMITA NA DENGGAN

²⁶ Jana i do gabe dalan, anso malua sandok bangso Israel, hombar tu na tarsurat i, “Ro ma sian Sion Sipalua i, sesaonNia ma hajahatan sian pomparan ni si Jakob.

SURAT NI SI PAULUS TU PARLAGUTAN ROM 11:26 ပူးပေါင်းရင်းမြစ်များ

MASMUR 106:47

Palua ma hami, ale Tuhan Debatanami, sian tonga-tonga ni angka bangso i oban ma hami mangulaki anso tarbaen hami mandok tarimakasi dohot mamuji goarMu na tongam i.

MASMUR 14:7

O Tuhan ni Israel tangihon pangidoan on, lehen ma hamonangan sian Dolok Sion. BangsoMi angkon marjop ni roha mangulahi, muda dibahen Ho marjop ni roha jana marhasonangan halahi.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JESAYA 59:20

Didok Tuhan ma tu bangsoNia, “Ro noma Au tu Sion laho mangondihon dohot paluahon hamu sude na paubahon roha sian angka dosamunu.

JEREMIA 31:1

Didok Tuhan ma, “Dapot do i hatihana gabe Au Debata ni sude marga ni Israel, jana halahi gabe bangsongKu.

JEHESKIEL 39:25

Didok Tuhan Debata i ma, “Tapi anggo saonnari haholonganKu noma halak Israel pomparan ni si Jakob i, jana baenonKu halahi sonang mangulahi. Jadi songon i ma Hubaen manjago anso laing tongtong dipasangap goarKu.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.