SURAT NI SI PAULUS TU PARLAGUTAN ROM 11:18 - BIBEL JAMITA NA DENGGAN

¹⁸ Hara ni i, ulang ma ginjang rohamu maradopkon angka dangka i! Muda ginjang rohamu, ingot ma; nada ho na manogang urat i, tapi na ditogang ni urat i do ho.

SURAT NI SI PAULUS TU PARLAGUTAN ROM 11:18 ပူးပေါင်းရင်းမြစ်များ

1 RAJA-RAJA 20:11

Dialusi Raja Ahab ma, “Dok hamu ma tu Raja Benhadad: Anggo tentara na tutu, bangga do pangkilalaanna dung sidung marporang, nada dompak so marporang.”

PODA 16:18

Ginjang ni roha mambaen hasegoan; bulbul mambaen hasarsaran.

MATEUS 26:33

Didok si Petrus ma tu Jesus, “Haru sude pe halahi maninggalkon Ho Tuhan, anggo au bagi na bia pe nada hutinggalkon Ho!”

JOHANNES 10:16

Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

JOHANNES 4:22

Hamu angka halak Samaria disomba hamu do na so ditanda hamu, tapi anggo hami halak Jahudi, na hami tanda do na hami somba; angke sian halak Jahudi do ro haluaan i.

BAENON NI ANGKA RASUL 25:7

Jadi disi lalu si Paulus, marjongjongan ma halak Jahudi na marroan i sian Jerusalem mangkaliangi ia. Dipungka halahi ma pajojorkon angka pangaduan ni halahi na borat adop si Paulus. Hape nada tarbuktihon halahi i.

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

SURAT NI SI PAULUS TU PARLAGUTAN ROM 3:27

Antong anggo songon i, aha ma he dalanna giot margincat ni roha? Nada adong. Hara ni aha do? Hara ni pambaenan do? Nada! Tapi hara ni haporsayaan do!

SURAT NI SI PAULUS TU PARLAGUTAN ROM 4:16

Hara ni i, janji i marondolan tu haporsayaan, anso mangihutkon asi ni roha, gabe marpanginonai ma janji i tu sude pomparan ni si Abraham, nada hum di halak na mangolu sian Tona i, tapi dohot do di halak na mangolu sian haporsayaan ni si Abraham. Ompu ni hita sude do ia,

1 KORINTUS 10:12

Sanga ise na mangetong dirina togu jongjong, dijagohon ia ma anso ulang sanga tinggang ia.

GALATIA 3:29

Muda nampuna ni Kristus do hamu, gabe pomparan ni si Abraham ma hamu. Marhak do hamu manjagit sanga aha na dung nijanjihon ni Debata.