SURAT NI SI PAULUS TU PARLAGUTAN ROM 10:7 - BIBEL JAMITA NA DENGGAN

⁷ sanga, ‘Ise ma he na giot mijur tu inganan ni halak na mate?’ (astuanna, mangalap Kristus ngot sian na mate).”

SURAT NI SI PAULUS TU PARLAGUTAN ROM 10:7 ပူးပေါင်းရင်းမြစ်များ

LUKAS 8:31

Gomos ma dipangido angka tondi na jahat i, anso ulang dipaisir Jesus halahi tu banua toru.

SURAT NI SI PAULUS TU PARLAGUTAN ROM 4:25

i ma Jesus na dung dipasahat hara ni angka pangalaosionta, jana na nipangolu salaho tu hatigoranta.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.