SURAT NI SI PAULUS TU PARLAGUTAN ROM 10:6 - BIBEL JAMITA NA DENGGAN

⁶ Tapi songon on do didokkon hatigoran hara ni haporsayaan, “Indangkon pola dok di bagasan rohamu, ‘Ise ma he na giot manaek tu banua ginjang?’ (astuanna, paijurkon Jesus),

SURAT NI SI PAULUS TU PARLAGUTAN ROM 10:6 ပူးပေါင်းရင်းမြစ်များ

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

JOHANNES 6:33

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

JOHANNES 6:58

On do roti na mijur sian banua ginjang i: Nada sarupa sipanganon on dohot sipanganon na nipangan ni ompumunu. Angke dung dipangan halahi sipanganon i, laing mate do halahi. Tapi anggo na mangan sipanganon on, mangolu do salolotna.”

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

SURAT NI SI PAULUS TU PARLAGUTAN ROM 3:25

Jesus Kristus do na nipatumbuk ni Debata, gabe haul pardengganan markite-hite haporsayaan di mudarNia anso dipatidahon Ia hatigoranNia, angke dipadiar Ia do dosa i di hatiha hasobaranNia.

SURAT NI SI PAULUS TU PARLAGUTAN ROM 4:13

Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.