SURAT NI SI PAULUS TU PARLAGUTAN ROM 10:5 - BIBEL JAMITA NA DENGGAN

⁵ Disuratkon si Musa do taringot tu hatigoran na ro sian Tona i, “Halak na mangkarejohon Tona i, mangolu do markite-hite i.”

SURAT NI SI PAULUS TU PARLAGUTAN ROM 10:5 ပူးပေါင်းရင်းမြစ်များ

NEHEMIA 9:29

Digorahon do halahi anso mangoloi tu ajaranMu, tapi ditulakkon halahi do sian ginjang ni rohana uhumMu. Hape nian sugari dipatulus uhumMi, na pasti tarjamin do ngolu ni halahi. Sijogal rungkung do halahi jana na tangkang marroha, na so ra tumangihon, na sai manggaga.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JEHESKIEL 20:11

Disi ma Hulehen tu halahi angka parentangKu jana Huajarkon angka tona na sian Au sioloan ni halahi, angke mangolu do tongtong sanga ise na patuluskonsa.

JEHESKIEL 20:13

Hape di padang parhorsihan i, dialo halahi muse do Au. Dilaosi halahi do angka tona na sian Au na manjamin mangolu tongtong sanga ise na patuluskonsa. Gabe hodar jana ramun dibaen halahi Ari Sabat i. Hara ni i, di parhorsihan i madung nian hobas Au laho palalu murukKu tu halahi dohot mamusa halahi.

JEHESKIEL 20:21

Hape angka na umposo i pe manggagai do tu Au. Dilaosi halahi do angka tona na sian Au jana dipasiding halahi do parenta na sian Au, na manjamin tongtong mangolu sanga ise na mandalankonsa. Jadi hara ni i madung hobas Au laho palaluhon murukKu maradopkon halahi di parhorsihan i jana mamunu halahi sude.

HAMALIMON 18:5

Karejohon ma angka aturan bope angka uhum na dung Hulehen di ho. Muda dibaen hamu songon i, malua ma ho. Au do Tuhan.”

SURAT NI SI PAULUS TU PARLAGUTAN ROM 7:10

jana mate ma au. Jadi parenta i na nitontuhon hian laho pangoluhon, hape gabe mamatehon do tu au.

GALATIA 3:12

Tapi anggo angka Tona na nidok nangkin, nada marlahanan tu haporsayaan i. Tapi, “Barang ise na mangkarejohonna, mangolu do ia dibaen i.”

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.