SURAT NI SI PAULUS TU PARLAGUTAN ROM 10:20 - BIBEL JAMITA NA DENGGAN

²⁰ Umpuluk do si Jesaya mandok, “Madung padumpang dohot Au angka halak na so manjalahi Au; jana madung Hupatidahon diringKu tu halak na so marsapa taringot tu Au.”

SURAT NI SI PAULUS TU PARLAGUTAN ROM 10:20 ပူးပေါင်းရင်းမြစ်များ

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JESAYA 58:1

Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!

MATEUS 20:16

Dung i didok Jesus ma mangulahi, “Songon i muse ma angka halak na parpudi, gabe parjolo. Halak na parjolo hian gabe parpudi.”

LUKAS 14:23

Jadi didok tuan i ma tu naposo i, ‘Kehe ma ho tu dalan godang dohot tu angka dalan na sompit di ruar ni kota, jana hara ma halak marroan anso gok sude bagaskon.

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

SURAT NI SI PAULUS TU PARLAGUTAN ROM 9:30

Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.

SURAT NI SI PAULUS TU PARLAGUTAN ROM 9:31

Tapi, anggo Israel na manjalahi tona na parohon hatigoran, nada jabat lalu tu tona i.

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.