SURAT NI SI PAULUS TU PARLAGUTAN ROM 10:2 - BIBEL JAMITA NA DENGGAN

² Dibaen husaksihon do taringot tu halahi, na ringgas do halahi di Debata, tapi nada dohot roha na mangastui.

SURAT NI SI PAULUS TU PARLAGUTAN ROM 10:2 ပူးပေါင်းရင်းမြစ်များ

2 RAJA-RAJA 10:16

laing didok ia muse ma, “Beta ma anso diida ho sandiri sanga na bia hubaen laho mangoloi Tuhan.” Jadi rap markareta ma halahi tu Samaria.

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

PODA 19:2

Nada denggan mangaringgas iba mangkarejohon na so binoto, halak na mopop gabe dapotan hamaolon do.

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

BAENON NI ANGKA RASUL 21:20

Dung dibege halahi na nipajojor ni si Paulus i, gabe sude ma halahi mamuji Debata. Dung i didok halahi ma tu si Paulus, “Dongannami si Paulus! Angkon botoonmu do na dung marribu-ribu do halak Jahudi na porsaya. Burju-burju do halahi sudena mangoloi Tona i.

BAENON NI ANGKA RASUL 21:28

jana marsurak-surak ma halahi, “Jo hamu halak Israel, tolong hamu jolo! On ma da halakna na pahae pahulu mangajari halak sudena taringot tu poda na maralo tu bangso Israel, na maralo tu angka na niparentahon ni Debata markite-hite si Musa songon i laho mangalo Bagas Ni Debata on. Tamba ni i dioban ia muse dope tuson angka bangso na asing na so Jahudi masuk tu Bagas Ni Debata on mambaen hodar inganan na badia on!” ninna halahi. (

BAENON NI ANGKA RASUL 22:22

Laing dipatangi-tangi halak na bahat i dope si Paulus na mandok hata i, tapi di ujung ni pandohannia i, marsurak ma halahi sagogo-gogona, “Gumonan ma nimatehon anggo halak sisongon i. Nada tama be mangolu i!” ninna halahi.

BAENON NI ANGKA RASUL 22:3

“Halak Jahudi do au, di Tarsus na di Luat Kilikia do au sorang, tapi di Jerusalem on do au magodang jana tangkas do diajari guru godang Gamaliel au taringot tu Tona na nilehen tu angka ompungta. Songon dia haburjuonmunu dison sadarion hamu ale angka dongan, laing songon i do au burju mangoloi Debata.

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

2 KORINTUS 8:3

Huida sandiri do dipasahat halahi intap na adong, deba lobi sian i dope tehe. Indangkon pola adong na marsuru,

GALATIA 1:14

Anggo taringot tu na mandalankon haporsayaan Jahudi do, husalpui dope sude halak Jahudi na sangoncap dohot au. Marsitutu do au anggo taringot tu angka pangalaho na mardomu tu adat ni angka ompungku.

GALATIA 4:15

I noma jop ni rohamunu hatiha i. Hape saonnari, ma di dia hamogaanmunu i? Huoku do anggo di hatiha i salang mangholuk matamunu sandiri rade do hamu anso lehenonmunu di au sugari tarbaen songon i.

PILIPPI 1:9

On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

PILIPPI 3:6

Songon i ma situtu ni rohangku jabat do huparkanciti parlagutan i. Muda nitimbang sian angka Tona ni ugamo Jahudi, au ma sada halak na burju na so adong hurangna.

KOLOSSE 4:13

Husaksihon sandiri do na dung marsitutu ia karejo manyarihon hamu dohot angka dongan na di Laodikea dohot Hierapolis.