SURAT NI SI PAULUS TU PARLAGUTAN ROM 10:18 - BIBEL JAMITA NA DENGGAN

¹⁸ Tapi husapai ma: Nada he dibege halahi do i? Madung dibege halahi do i, “Angke madung lalu do sora ni halahi tu sandok tano on, jana hata ni halahi madung tu liat portibi on.”

SURAT NI SI PAULUS TU PARLAGUTAN ROM 10:18 ပူးပေါင်းရင်းမြစ်များ

1 RAJA-RAJA 18:10

Mangasahon Debatamu Tuhan na mangolu i, husumpahon ma, na dung disuru raja i do manjalahi ho amang di ganop luat di na satano on. Muda didok parkuaso di sada luat na so adong ho di luat i, digogohon si Ahab do anso marsumpa parkuaso i paboa na tutu situtu na so adong tarida ho amang di luat i.

MASMUR 19:4

Hape sorana marsaringar tu sude portibi, tarbege lalu tu ujung ni tano i. Di awang-awang dibaen Tuhan bagas ni mataniari,

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

MATEUS 24:14

Dung i muse, Jamita Na Denggan taringot tu Harajaan Ni Debata, dijamitahon ma i tu portibi on sude, anso sude halak umbegesa. Dung i pe anso ro ari na parpudi.”

MATEUS 26:13

Ingot hamu ma! Sanga na di dia di tano on dipararat Jamita Na Denggan na sian Debata i, angkon dicaritohon muse ma pambaenan ni anak boru on baen parningotan tusia.”

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

MATEUS 4:8

Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

MARKUS 16:20

Dung i kehe ma angka siseanNia i pararatkon barita na sian Debata i. Tuhan i pe dohot do markarejo rap dohot halahi laho mangurupi parjamitaon ni halahi. Laing dipatupa Tuhan i muse ma angka tanda ni kuaso dohot angka hahomangan sanga na di dia dibaritahon halahi jamita na sian Debata i.] [

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.

SURAT NI SI PAULUS TU PARLAGUTAN ROM 1:8

Jumolo ma hudok tarimakasi tu Debatangku markite-hite Jesus Kristus hara ni hamu sudena; harana madung tarbonggal haporsayaanmunu tu sude portibi on.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

KOLOSSE 1:6

Mur rarat do barita na sian Debata tu portibi on sudena, jana madung dipasupasu ngolu ni jolma hara ni barita i, songon na masa tu ngolumunu. Sian mula-mulana dibege hamu taringot tu asi ni roha ni Debata jana tutu do diauhon hamu, ngolumunu pe madung dipasupasu.

1 TESSALONIKA 1:8

Angke mamungka sian hamu do rarat barita taringot tu Tuhan Jesus tu Makedonia dohot Akaya. Jana nada hum i sajo; barita ni haporsayaanmunu pe tu Debata, madung tarbonggal sun tu dia, gabe nada adong be pola na porlu sidokkononnami.