SURAT NI SI PAULUS TU PARLAGUTAN ROM 10:16 - BIBEL JAMITA NA DENGGAN

¹⁶ Tapi nada sudena halak manjagit Jamita Na Denggan i. Angke didok si Jesaya do, “O Tuhan, ise ma he na mangkaporsayai na hami baritahon i?”

SURAT NI SI PAULUS TU PARLAGUTAN ROM 10:16 ပူးပေါင်းရင်းမြစ်များ

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 53:1

“Ise ma porsaya tu barita na hami bege? Tu ise ma na dung dipataridahon kuaso ni Tuhan na gok sahala?

MATEUS 13:14

Tarjadi ma tu halahi na nidok ni Panurirang Jesaya na mandok, ‘Sai giot manangihon do nian hamu jana manangihon, hape so diastui hamu. Sai giot mangaligi do nian hamu dohot matamunu jana mangaligi, hape so diida hamu.

JOHANNES 10:26

Dibaen nada biri-biringKu hamu, hara ni i nada porsaya hamu.

BAENON NI ANGKA RASUL 28:24

Adong do nian deba na porsaya tu na nidok ni si Paulus i, tapi deba nada ra porsaya.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

SURAT NI SI PAULUS TU PARLAGUTAN ROM 11:17

Diponggolkon deba sian dangka ni hayu i, jana nilohotkon ma ho na dibuat sian hayu harangan i tu inganan ni halahi gontina, anso martohap ho di urat dohot di miak ni hayu zetun i.

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

SURAT NI SI PAULUS TU PARLAGUTAN ROM 3:3

Tapi bia ma i, anggo adong do deba halak Jahudi na so setia? Sanga hara ni i ma he dalanna gabe nada setia Debata?

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

GALATIA 3:1

Hamu ale angka halak Galatia na oto! Ise dehe na mangula-ulai hamu? Madung hupajojor taringot tu hamamate ni Kristus di parsilang i satorang-torangna.

GALATIA 5:7

Madung denggan nian najolo marjuang hamu! Ise dehe na mangantahi hamu anso ulang dipatulus hamu na tigor?

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

IBRANI 4:2

Harana madung dipaboa tu hita Jamita Na Denggan i laing songon na tu halahi. Hape anggo di halahi nada marguna jamita i. Angke di na nibege ni halahi jamita i, nada dijagit halahi i mardongan haporsayaan tu Debata.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

1 PETRUS 3:1

Laing songon i ma hamu ale angka ina, angkon oloanmunu do halaklahimunu, jadi muda adong sian halahi na so porsaya di hata ni Debata, nada pola porlu dohononmunu sanga na aha pe tu halahi, parangemunu i ma na mambaen halahi gabe porsaya,