SURAT NI SI PAULUS TU PARLAGUTAN ROM 10:15 - BIBEL JAMITA NA DENGGAN

¹⁵ Tapi songon dia ma he halahi manjamitahon, muda nada disuru? Songon na tarsurat i, “Denggan na i haroro ni sioban Barita Na Denggan i!”

SURAT NI SI PAULUS TU PARLAGUTAN ROM 10:15 ပူးပေါင်းရင်းမြစ်များ

JESAYA 40:9

O Jerusalem, tangkohi ma dolok na gincat, jana baritahon ma jamita na denggan on. O Sion baritahon ma marsora na gogo, marsurak ma, jana ulang marganggu roha. Dokkon ma tu angka kota ni Juda. Giot ro ma Debata ni halahi.

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JEREMIA 23:32

Au Tuhan, giot aloonKu do angka panurirang i na palaluhon angka nipina na gok gabus. Dipalilu halahi do bangsongKu marhite gabus dohot buras ni halahi. Nada Au marsuru angka panurirang i. Nada marguna halahi saotik pe anggo di bangsongKu. Au Tuhan, madung mandok songon i.”

NAHUM 1:15

Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

MATEUS 9:38

Hara ni i pangido hamu ma tu nampuna sabion i, anso disuru Ia halak laho manyabi sabion i.”

LUKAS 10:1

Dung i dipili Jesus ma muse pitu pulu halak nari. Disuru Ia ma halahi mardua-dua halak manjoloi Ia tu sude kota dohot inganan na giot topotonNia.

LUKAS 2:10

Tapi didok surusuruan i ma, “Ulang hamu mabiar! Angke na maroban barita na denggan do au di hamu, barita na pajopkon roha ni sude bangso.

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

LUKAS 8:1

Nada sadia honok dung i, mardalani ma Jesus tu angka kota dohot huta-huta i. Dijamitahon Ia ma disi Jamita Na Denggan taringot tu Harajaan Ni Debata. Dohot ma dua bolas halak siseanNia i laho mandongani Ia.

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 13:26

Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;

BAENON NI ANGKA RASUL 22:21

Tapi didok Tuhan i ma muse tu au, ‘Kehe ma ho, harana suruonKu ma ho kehe tu na dao tu inganan ni halak sian bangso na asing.’ ” Ninna Tuhan i tu au.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 1:15

Hara ni i ma umbaen na por sajo rohangku mamaritahon Jamita Na Denggan i dohot tu hamu angka dongan na maringanan di Rom on.

SURAT NI SI PAULUS TU PARLAGUTAN ROM 15:20

Tapi on do na huharinggaskon, anso hujamitahon Jamita Na Denggan, barang di dia na so tarbarita dope goar ni Kristus i, anso ulang hupajongjong bagas di ginjang ni ojahan na nipayakkon ni halak.

EPESUS 2:17

Jadi madung ro Ia manjamitahon hasonangan markite-hite, Jamita Na Denggan i di hamu angka na dao, dohot di angka na donok.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

EPESUS 6:15

Haburjuon manjamitahon Jamita Na Denggan taringot tu hasonangan i, angkon i ma nian na gabe songon sipatumunu.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.