SURAT NI SI PAULUS TU PARLAGUTAN ROM 10:14 - BIBEL JAMITA NA DENGGAN

¹⁴ Tapi bia ma parpio ni halak tuSia anggo so porsaya dope halahi tuSia? Jana bia ma pangkaporsayai ni halahi di Tuhan i anggo so jolo dibege halahi taringot tuSia? Jana bia ma baenon ni halahi umbege taringot tuSia, anggo so adong halak na manjamitahonsa?

SURAT NI SI PAULUS TU PARLAGUTAN ROM 10:14 ပူးပေါင်းရင်းမြစ်များ

JUNUS 1:16

Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.

JUNUS 1:5

Mabiar situtu ma angka na di kapal i jana marsurak-surak ma halahi mangido tolong tu debatana be. Diparambungkon halahi ma angka muatan ni kapal i tu bagasan laut i anso ulang bonom kapal i. Tapi anggo si Junus madung di inganan na partoru hian, dipapayak-payak ia ma disi lalu tarpodom sinok.

MATEUS 20:7

Dialusi halahi ma, ‘Inda adong sahalak pe na mangalehen karejo di hami.’ ‘Anggo songon i, dohot ma hamu markarejo di kobun anggurki,’ ninna nampuna kobun i.

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

JOHANNES 9:36

Dialusi bayo i ma, “Ise dehe i Tuhan? Laing paboa ma jolo tu au anso laing porsaya au tuSia!”

BAENON NI ANGKA RASUL 19:2

Disapai ia ma tu halahi, “Na dung jungada do dijagit hamu Tondi Parbadia dung porsaya hamu?” ning ia. Dialusi halahi ma, “Inda podo. Salang mambege na adong Tondi Parbadia so jungada dope hami,” ninna halahi.

BAENON NI ANGKA RASUL 8:31

Dialusi bayo i ma, “Tarbia ma pangastuingku disi anggo so adong na patorangkonsa tu au?” Dung i disuru ia ma manaek si Pilipus tu kareta i jana rap juguk ma halahi na dua.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

EPESUS 2:17

Jadi madung ro Ia manjamitahon hasonangan markite-hite, Jamita Na Denggan i di hamu angka na dao, dohot di angka na donok.

EPESUS 4:21

Madung dibege hamu taringot tuSia! Jana hamu angka na mangihutkon Ia, nada he madung niajaran hamu taringot tu hasintongan na adong diSia!

PANGARATAION 30:13

Nada di bariba ni laut muse ingananna. Indangkon pola marsapa hamu, ‘Ise ma he na manaripari laut i dohot na marobansa tu hita anso tarbaen hita manangihon dohot mangoloisa?’

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

TITUS 1:3

Topet di hatihana, dipataridahon Debata do ngolu i di bagasan barita i jana hupaboa do i hara ni parenta ni Debatanta Sipalua i.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

JAKOBUS 5:15

Tangiang na nipasahat tu Tuhan mardongan pos ni roha, tarbaen do i pamalumkon halak na marnyae. Pamalumon ni Tuhan ma i jana sesaonNia ma angka dosa na nibaennia.