SURAT NI SI PAULUS TU PARLAGUTAN ROM 10:12 - BIBEL JAMITA NA DENGGAN

¹² Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

SURAT NI SI PAULUS TU PARLAGUTAN ROM 10:12 ပူးပေါင်းရင်းမြစ်များ

MASMUR 145:18

Donok do Ia tu halak na pio-pio tuSia, tu ganop halak na martangiang sian bulus ni rohana.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

BAENON NI ANGKA RASUL 7:59

Di na nidangguran ni halahi si Stefanus, pio-pio ma ia ning ia ma, “Ale Tuhan Jesus, jagit ma tondingku!”

BAENON NI ANGKA RASUL 9:14

Jana saonnari ro do ia maroban surat isin sian angka sintua ni malim laho manangkupi sanga ise na porsaya tu Ho.”

SURAT NI SI PAULUS TU PARLAGUTAN ROM 14:9

Madung mate Kristus, jana mulak mangolu. Hara ni i ma umbaen na gabe Tuhan Ia di halak na mangolu dohot muse di angka na dung mate.

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

1 KORINTUS 1:2

tu parlagutan ni Debata na di Korintus, i ma angka na diparbadiai di bagasan Kristus Jesus jana na nipiohon gabe angka halak na badia, dohot tu sude halak di sude ingananna, na mamiohon goar ni Tuhanta Jesus Kristus, i ma Tuhan ni halahi dohot Tuhanta.

1 KORINTUS 15:47

Sian tano do dijadihon anggo si Adam na parjolo i, tapi anggo si Adam na paduahon sian banua ginjang do i.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

EPESUS 2:4

Tapi na godang do denggan ni roha ni Debata! Songon i ma holong ni rohaNia tu hita.

EPESUS 2:7

Dibaen Debata pe na songon i, anso diida jolma i do sanga na bia godangna hadengganon ni rohaNia di hatiha na giot ro, i ma na nipatidahonNia tu hita markite-hite Kristus Jesus.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

PILIPPI 4:19

Pasingkopon ni Debatangku ma sudena na hasaya di hamu mangihutkon hagabeanNia na so tarsuhat i na adong di Kristus Jesus.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

1 TIMOTEUS 2:5

harana hum sada sajo do Debata jana sada muse do panonga-nongai ni Debata dohot jolma, i ma jolma Jesus Kristus.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”