SURAT NI SI PAULUS TU PARLAGUTAN ROM 1:8 - BIBEL JAMITA NA DENGGAN

⁸ Jumolo ma hudok tarimakasi tu Debatangku markite-hite Jesus Kristus hara ni hamu sudena; harana madung tarbonggal haporsayaanmunu tu sude portibi on.

SURAT NI SI PAULUS TU PARLAGUTAN ROM 1:8 ပူးပေါင်းရင်းမြစ်များ

MATEUS 24:14

Dung i muse, Jamita Na Denggan taringot tu Harajaan Ni Debata, dijamitahon ma i tu portibi on sude, anso sude halak umbegesa. Dung i pe anso ro ari na parpudi.”

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.

BAENON NI ANGKA RASUL 11:28

Jadi jongjong ma sahalak sian halahi na margoar si Agabus. Dipatubu Tondi i ma tu rohania laho paboahon na giot masa haleon potir di tano on sudena. (Jana tutu do masa haleon potir di hatiha ni Kesar Klaudius mamarenta.)

BAENON NI ANGKA RASUL 28:22

Tapi hami pe, giot begeonnami do nian taringot tu haporsayaanmunu, harana madung sude hami umbege na so tumbuk do di halak poda na nitiopmu,” ninna halahi.

SURAT NI SI PAULUS TU PARLAGUTAN ROM 10:18

Tapi husapai ma: Nada he dibege halahi do i? Madung dibege halahi do i, “Angke madung lalu do sora ni halahi tu sandok tano on, jana hata ni halahi madung tu liat portibi on.”

SURAT NI SI PAULUS TU PARLAGUTAN ROM 16:19

Angke diboto halak do sudena taringot tu pangoloionmunu, jadi jop do rohangku hara ni hamu jana di pangido rohangku, anso pistar hamu tu na denggan, tapi ias maradopkon hajahatan.

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

1 KORINTUS 1:4

Sai tongtong do au mandok tarimakasi tu Debata hara ni hamu, dibaen madung dijagit hamu basa-basa na sian Debata markite-hite Jesus Kristus.

2 KORINTUS 2:14

Tapi tarimakasi ma di Debata, tongtong do diuluhon Ia hami mangihutkon uduran ni hamonangan ni Kristus. Dipake Debata do hami anso songon uap na huskus jamita taringot tu Kristus i.

EPESUS 1:15

Hara ni i, mamungka sian na dung hubege hamu porsaya tu Tuhan Jesus, jana dihaholongi hamu do sude halak na porsaya,

EPESUS 1:16

nada marnamantak au mandok tarimakasi tu Debata hara ni hamu sude. Sai tongtong do hugoari hamu muda hatiha martangiang au.

EPESUS 3:21

Sai dipasangap parlagutan i ma nian Debata marsundut-sundut markite-hite Jesus Kristus. Tarpuji ma Debata salolot-lolotna! Amen.

EPESUS 5:20

Mandok tarimakasi ma hamu tu Debata Ama i markite-hite Jesus Kristus Tuhanta i, sanga hara ni aha pe.

PILIPPI 1:11

Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

PILIPPI 1:3

Ganop taringot rohangku tu hamu, tongtong do mandok tarimakasi au tu Debata.

KOLOSSE 1:3

Madung hami bege, na dihaporsayai hamu Jesus Kristus jana dihaholongi hamu do sudena halak na badia. Jadi muda hatiha hami tangiangkon hamu, gabe tongtong do mandok tarimakasi hami tu Debata, Ama ni Tuhanta Jesus Kristus.

1 TESSALONIKA 1:2

Sai tongtong do hami mandok tarimakasi tu Debata hara ni hamu sudena, jana sai hami ingot do hamu di bagasan angka tangiangnami.

1 TESSALONIKA 2:13

Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

2 TIMOTEUS 1:3

Tarimakasi ma hudok di Debata na huoloi sian taroktok na ias songon na nibaen ni angka daompung najolo. Jana sai mandok tarimakasi do au tu Debata ganop huingot ho di na martangiang au arian sanga borngin pe.

PILEMON 1:4

Ganop martangiang au sai hudok do goarmu jana hupasahat tarimakasi tu Debata.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.