SURAT NI SI PAULUS TU PARLAGUTAN ROM 1:7 - BIBEL JAMITA NA DENGGAN

⁷ Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

SURAT NI SI PAULUS TU PARLAGUTAN ROM 1:7 ပူးပေါင်းရင်းမြစ်များ

MASMUR 60:5

anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

BILANGAN 6:25

Sai disondangkon Tuhan ma bohiNa tu hamu jana asi ma rohaNa di hamu.

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

BAENON NI ANGKA RASUL 15:23

Laing maroban surat do halahi na nisuru i, songon on ma hata ni surat i, “Mandapotkon angka dongan na porsaya na marasal sian bangso na asing na so Jahudi, na maringanan di Antiokia, di Siria dohot di Kilikia. Tabe ma di hamu sian donganmunu, i ma angka rasul dohot angka pangituai.

BAENON NI ANGKA RASUL 9:13

Dialusi si Ananias ma, “Bahat do hubege hata ni halak Tuhan, taringot tu bayo i, tarlobi taringot tu angka parkancitan na nibaennia maradopkon halakMu na badia i di Jerusalem.

SURAT NI SI PAULUS TU PARLAGUTAN ROM 1:6

Hamu pe dohot do di tonga-tonga ni halahi, hamu na dung nipio ni Jesus Kristus.

SURAT NI SI PAULUS TU PARLAGUTAN ROM 5:1

Hara ni i, hita na nipatigor markite-hite haporsayaan, mangolu do hita di bagasan hasonangan dohot Debata markite-hite Tuhanta Jesus Kristus.

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

SURAT NI SI PAULUS TU PARLAGUTAN ROM 8:39

sanga angka pangalaho na di ginjang bope na di toru, sanga pe angka na asing na nitompa, nada tarbaen manyirang hita sian holong ni roha ni Debata, na di bagasan Kristus Jesus Tuhanta i.

SURAT NI SI PAULUS TU PARLAGUTAN ROM 9:25

Angke didok Debata do di buku ni Panurirang Hosea, “Angka halak na so bangsongKu, goaranKu ma ‘BangsongKu’. Bangso na so Huhaholongi, goaranKu ma ‘Haholongan ni rohangKu’.

1 KORINTUS 1:24

Tapi anggo di halak na dung nipiohon ni Debata – halak Jahudi sanga na so Jahudi – anggo jamita i hum Kristus do jana Kristus i ma hagogoan ni Debata dohot hamaloan ni Debata.

1 KORINTUS 16:23

Sai dipasupasu Tuhan Jesus ma hamu.

GALATIA 6:18

Sai didongani denggan ni roha ni Kristus ma tondimunu, ale angka dongan. Amen.

EPESUS 1:2

Asi ni roha dohot hasonangan ma di hamu, sian Debata Amanta dohot sian Tuhan Jesus Kristus.

EPESUS 6:23

Sai dilehen Debata Ama, dohot Tuhan Jesus Kristus ma hasonangan dohot holong mardongan haporsayaan tu sude parlagutan i.

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

PILIPPI 1:2

Asi ni roha ma di hamu dohot hasonangan sian Debata Amanta, dohot sian Tuhan Jesus Kristus.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

PILIPPI 4:20

Sai tapuji ma Debata Amanta i salolot-lolotna! Amen.

PILIPPI 4:23

Sai ibo ma roha ni Tuhan Jesus Kristus, dipasupasu ma hamu sudena.

KOLOSSE 1:2

tu angka dongan sahaporsayaan di bagasan Kristus na di Kolosse; i ma angka na badia. Asi ni roha ma di hamu dohot hasonangan na sian Debata Amanta, i ma na mandongani hamu.

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

KOLOSSE 3:15

Angka haputusan sibaenonmunu, tontuhon hamu ma i mardongan dame na nilehen ni Kristus tu bagasan rohamunu. Angke na nipiohon ni Debata do hamu gabe sada pamatang, anso mangolu hamu sian hadamean na sian Kristus i. Mandok tarimakasi ma hamu.

1 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Ama dohot Tuhan Jesus Kristus. Asi ni roha dohot hasonangan ma di hamu!

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TESSALONIKA 1:4

Hami boto do ale angka dongan, na tutu holong roha ni Debata tu hamu jana madung dipili Ia hamu anso gabe Ia nampuna hamu.

1 TESSALONIKA 4:7

Dipio Debata pe hita, nada anso hodar ngolunta, tapi anso badia do ngolunta i.

1 TESSALONIKA 5:28

Asi ni roha ni Jesus Kristus, Tuhanta, i ma na mandongani hamu.

2 TESSALONIKA 1:2

Asi ni roha dohot hasonangan ma di hamu, sian Debata, Amanta, dohot Tuhan Jesus Kristus.

2 TESSALONIKA 3:16

Tuhan i do haroroan ni hasonanganta. Sai tongtong ma dilehen Ia hasonangan di hamu markite-hite dalan na marragam. Sai didongani Tuhan ma hamu sudena.

2 TESSALONIKA 3:18

Asi ni roha ni Jesus Kristus, Tuhanta, i ma na mandongani hamu sude.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

2 TIMOTEUS 1:2

Tu si Timoteus, anakku na nihaholongan. Asi ni roha dohot hasonangan ma di ho, sian Debata Ama dohot Kristus Jesus, Tuhanta i!

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

TITUS 1:4

Tu si Titus, anakku, mangihutkon haporsayaanta. Asi ni roha dohot hasonangan ma di ho, sian Debata Ama dohot Kristus Jesus, Sipalua hita.

PILEMON 1:25

Sai dipasupasu Tuhan Jesus Kristus ma nian hamu sudena.

PILEMON 1:3

Asi ni roha dohot hasonangan ma di hamu sian Debata, Amanta, dohot sian Tuhan Jesus Kristus!

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

1 PETRUS 1:15

Tapi, angkon badia ma hamu di sasudena na nibaenmunu, laing songon Debata na badia i na mamiohon hamu.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

2 JOHANNES 1:3

Sai dipasupasu ma hita jana sai dilehen ma asi ni roha dohot hasonangan sian Debata Amanta i dohot sian Jesus Kristus Anak Ni Debata Ama i. Sai maruli ma hita di sudena i di bagasan hasintongan dohot holong ni roha.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.

HALUMBAAN 2:12

“Tu surusuruan ni parlagutan na di Pergamus, suratkon ma songon on: On ma barita sian na maniop podang na tajom na marmata dua i.

HALUMBAAN 2:18

“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.

HALUMBAAN 2:29

Ditangihon na marpinggol i ma na nidok ni Tondi i tu angka parlagutan i!”

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

HALUMBAAN 22:21

Asi ni roha ni Tuhan Jesus ma na mandongani hamu sudena! Amen.

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

HALUMBAAN 3:22

Ditangihon na marpinggol i ma na nidok ni Tondi i tu angka parlagutan i!”

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.