SURAT NI SI PAULUS TU PARLAGUTAN ROM 1:30 - BIBEL JAMITA NA DENGGAN

³⁰ manilakoi halak na asing; angka na mangapasi Debata, mangasahon hagogoanna sajo, jungkat ni roha, mamuji dirina, angka na mangajarkon hajahatan, na so mangoloi natorasna;

SURAT NI SI PAULUS TU PARLAGUTAN ROM 1:30 ပူးပေါင်းရင်းမြစ်များ

1 RAJA-RAJA 20:11

Dialusi Raja Ahab ma, “Dok hamu ma tu Raja Benhadad: Anggo tentara na tutu, bangga do pangkilalaanna dung sidung marporang, nada dompak so marporang.”

2 JUJUR TAON 19:2

ro ma sada halak panurirang na margoar si Jehu anak ni si Hanani mangadop tu raja i. Didok panurirang i ma tusia, “Patut ma he raja i mamihak tu halak na jahat jana mamihak tu halak na manghagigihon Tuhan? Muruk do Tuhan tu raja i patunda ni parbuatan ni raja i.

2 JUJUR TAON 25:19

Ning rohamu, madung ditaluhon ho Edom, atehe Amasia, jadi gabe manggodang ma ho hara ni i. Gumonan ma da tinggal di bagasmu ho. Aha ma he gunana manjalak-jalahi parsoalan iba anggo hum na mangalapi hamamagoniba sandiri dohot rayatmi?”

MASMUR 10:3

Halak na jahat manghatahon na nihalungunkon ni rohana, halak na lahap mamurai jana manulak Tuhan.

MASMUR 106:39

Pangalaho i ma mambaen hodar halahi; nada setia tu Debata halahi.

MASMUR 49:6

angka halak na jahat na mangasahon hakayoanna, jana na manghaginjangkon sinadonganna.

MASMUR 5:5

Nada lomo rohaMu mida halak na jungkat, jana goyak do rohaMu mida sude sibaen na jahat.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 81:15

TaluhononKu ma sanga ise na magigi mida Au, salolotna noma halahi hona uhumKu.

MASMUR 94:4

Dipardokkoni halahi do hata na kasar, jana dihasombongkon halahi do angka hajahatanna i.

MASMUR 97:7

Sude na marsomba gana-ganaan dipaila, angka halak na mamuji dirina hara ni gana-ganaan. Sude debata marsomba sujut di jolo ni Tuhan.

MASMUR 99:8

Ale Tuhan Debatanami, Debata na sai mangampuni do Ho. Uhumi ma bangsoMi hara ni hasalaan ni halahi, hape tangiang ni halahi laing dialusi Ho muse.

PODA 24:8

Halak na sai mambaen sangkap hajahatan, goaron do i sipanggaori.

PODA 25:23

Alogo sian Utara pasti parohon udan; songon i muse ma na pahata-hatahon tontu patubu hamuruhan.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

JEHESKIEL 14:5

Sude gana-ganaan i padaohon bangsongKi do sian Au, tapi marhite alus i sai anggiat ma nian mulak bangsongKi tu Au.’

JEHESKIEL 22:7

Sahalak pe so adong halak na mangingani ho na pasangapkon simatobangna. Dikicu ho do halak jana dihaut ho untung sian hasusaan ni na mabalu dohot na so marama so marina.

BILANGAN 10:35

Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.”

MATEUS 15:4

Harana didok Debata do, ‘Pantun ma ho tu amangmu dohot tu inangmu.’ ‘Sanga ise na mandok hata na so ture tu amangna sanga tu inangna, angkon mate do i niuhuman.’ ”

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

LUKAS 21:16

Jana dohot do natorasmunu, angka kahanggimunu, angka koummunu dohot angka ale-alemunu pasahat hamu. Matehonon ni halahi ma deba sian hamu.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

BAENON NI ANGKA RASUL 5:36

Harana ro do najolo si Teudas na mangetong dirina halak na godang, jabat opat ratus halak mangihutkon ia. Hape dibunu do ia jana marserak ma angka na mangihutkon ia, mago boti ma dohot na nihalojahonnia i.

SURAT NI SI PAULUS TU PARLAGUTAN ROM 2:17

Jadi saonnari, bia noma taringot tu hamu angka halak Jahudi on? Didok hamu, halak Jahudi hamu, na maniop Tona i jana na marjop ni roha di bagasan Debata;

SURAT NI SI PAULUS TU PARLAGUTAN ROM 2:23

Ginjang do rohamunu hara ni na adong di hamu Tona i hape marbile do Debata markite-hite hamu na so patuluskon Tona i.

SURAT NI SI PAULUS TU PARLAGUTAN ROM 3:27

Antong anggo songon i, aha ma he dalanna giot margincat ni roha? Nada adong. Hara ni aha do? Hara ni pambaenan do? Nada! Tapi hara ni haporsayaan do!

2 KORINTUS 10:15

Astuanna na hami dok disi, nada pagodang diri hami hara ni karejo ni halak na asing na di ruar ni batas na nitontuhon ni Debata di hami. Tapi sai mur martamba ma haporsayaanmunu, anso mur bidang tohap sikarejohonnami di tonga-tongamunu, haru pe laing tong dope di bagasan batas na nitontuhon ni Debata tu hami.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

PANGARATAION 27:16

‘Bura ni Debata ma di halak na palayas amangna dohot inangna.’ Dung i sude ma bangso i mandok: ‘I ma tutu!’

PANGARATAION 7:10

Tapi nada maralang-alang Ia manguhumi angka na magigi tuSia.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

JAKOBUS 3:5

Laing songon i ma dilanta i; haru pe menek sajo dilanta i, hape tarbaen ia do manggodang diri taringot tu angka pangalaho na godang. Ligi hamu ma, salang harangan godang tarsurbu do i hara ni api na menek.

JAKOBUS 4:16

Hape saonnari gabe marginjang ni roha do hamu jana mamburas. Sala do sudena buras na songon i.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.