SURAT NI SI PAULUS TU PARLAGUTAN ROM 1:3 - BIBEL JAMITA NA DENGGAN

³ Jamita Na Denggan taringot tu Anak Ni Debata i, i ma Tuhanta Jesus Kristus na sorang sian pomparan ni si Daud mangihutkon hajolmaon,

SURAT NI SI PAULUS TU PARLAGUTAN ROM 1:3 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

JEREMIA 33:26

laing songon i ma tongtong tioponKu parjanjianKu dohot pomparan ni si Jakob dohot naposongKu si Daud. TodoonKu ma sahalak sian pomparan ni si Daud laho mangarajai pomparan ni si Abraham, si Ishak dohot si Jakob. Maribo ni roha ma Au tu bangsongKu jana sonang halahi baenonKu.”

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

MATEUS 1:1

Songon on ma tarombo ni angka ompu na umpompar Jesus Kristus, pomparan ni si Daud, pomparan ni si Abraham. Sian si Abraham lalu tu si Daud dapot ma angka goar na di toru on:

MATEUS 1:16

si Josep halaklahi ni si Maria, na manubuhon Jesus, na nigoaran muse Kristus.

MATEUS 1:6

Sian si Daud lopus tu na tarbuang halak Israel tu Babel dapot ma angka goar-goar na di toru on: Si Salomo (anak ni si Daud, sian dongan saripe ni si Uria hian),

MATEUS 12:23

Homang ma roha ni halahi sude didokkon halahi ma, “On do ulaning pomparan ni si Daud i?”

MATEUS 15:22

Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MATEUS 27:43

Dihaposi Ia do Debata, antong i ma paluahon Ia nuaeng muda na jop do roha ni Debata tuSia! Angke didok Ia do: Anak Ni Debata do Au.”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MATEUS 9:27

Di na kehe Jesus sian i, ro ma dua halak na mapitung mangihutkon Ia. Pio-pio ma halahi, “O, anak ni si Daud, ibo ma rohaMu mida hami!”

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 1:69

Dilehen Ia do di hita tanduk haluaan, di bagasan pomparan ni si Daud, naposoNia.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:34

Jadi madung tangkas huida Ia jana madung husaksihon, ‘On ma Anak Ni Debata’.”

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 10:30

Sada do Au dohot Damang.”

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

JOHANNES 5:25

Tutu do na Hudok di hamu: Ro ma hatihana, jana tardok madung ro i, begeon ni halak na dung mate i ma sora ni Anak Ni Debata, jana sanga ise na umbegesa dapotan hangoluan.

JOHANNES 7:42

Harana di Buku Na Badia i tarsurat, sian pomparan ni si Daud do Kristus i jana sorang di Betlehem, i ma Kota Ni si Daud i.”

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

BAENON NI ANGKA RASUL 3:13

Debata na nisomba ni si Abraham, si Ishak, si Jakob dohot angka ompunta i, i ma Debata na dung pasangapkon NaposoNia, i ma na margoar Jesus, na nipasahatmunu jana na nitulakmunu di adopan ni si Latus di na giot dipalua si Latus Ia.

BAENON NI ANGKA RASUL 8:36

Di tonga dalan i lalu ma halahi tu sada inganan na adong aek disi. Didok parpangkat i ma, “Ligi pe da, adong do aek indi! Aha dope na hurang anso tardidi au?” [

BAENON NI ANGKA RASUL 9:20

Torus masuk ma ia tu angka bagas paribadatan, jana dipungka ia ma manjamitahon paboa Jesus i do Anak Ni Debata.

SURAT NI SI PAULUS TU PARLAGUTAN ROM 1:9

Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

SURAT NI SI PAULUS TU PARLAGUTAN ROM 4:1

Antong, aha ma tardok hita taringot tu ompunta si Abraham? Aha ma he na dumpang di hajolmaonnia lakna?

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

1 KORINTUS 1:9

Pos do roha di Debata, nada adong sihagangguhonon diSia. Ia do Debata na mamio hamu gabe sada dohot AnakNa i, i ma Jesus Kristus Tuhanta i.

1 KORINTUS 10:18

Ligi hamu ma jolo halak Jahudi i. Anggo halak na manghaulkon sipanganon na nihaulkon di ginjang ni parhaulan i, halak na mardomu do i dohot inganan i.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

1 TIMOTEUS 2:5

harana hum sada sajo do Debata jana sada muse do panonga-nongai ni Debata dohot jolma, i ma jolma Jesus Kristus.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

2 TIMOTEUS 2:8

On ma ingot: Jamita Na Denggan na hujamitahon i, barita taringot tu Jesus Kristus do i, i ma pomparan ni si Daud; i ma Kristus na mulak mangolu i sian hamatean.

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.

1 JOHANNES 4:15

Sanga ise na mangoku Anak Ni Debata do Jesus, marsada ma Debata tu halakna i jana na maringanan do Debata di bagasan ia, jana ia di bagasan Debata.

1 JOHANNES 5:1

Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

1 JOHANNES 5:5

Ise ma he na tarbaen manaluhon hajahatan ni portibi on? Hum halak na mangkaporsayai bahaso na tutu do Jesus Anak Ni Debata.

2 JOHANNES 1:7

Madung bahat angka pargabus manyarsar sun ro di dia di tano on. Na so nioku ni halahi do na dung ro Jesus Kristus tu portibi on songon sada jolma. Pargabus do halak na songon i jana musu ni Kristus.

HALUMBAAN 2:18

“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.