SURAT NI SI PAULUS TU PARLAGUTAN ROM 1:29 - BIBEL JAMITA NA DENGGAN

²⁹ Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

SURAT NI SI PAULUS TU PARLAGUTAN ROM 1:29 ပူးပေါင်းရင်းမြစ်များ

MASMUR 41:7

Marhusipi do sude na manghosomi au jana dipikiri halahi do na jahat taringot tu au.

PODA 16:28

Dibaen halak na jahat do parbadaan, jana disirang do halak na marale-ale.

PODA 26:20

Mintop do api muda abis soban; muda nada adong be siruak baba, mantak do partongkaran.

MATEUS 5:32

Tapi anggo saonnari Au mandok di hamu: Sanga ise na manyirangkon dadaboruna, asing ni na manyimbil dadaborunia i, bayo i do na mambaen gabe markarosuan dadaborunia i, muda marbagas ma anakboru i. Bayo na mambuat anakboru na songon i pe dohot do i markarosuan.”

SURAT NI SI PAULUS TU PARLAGUTAN ROM 3:10

Songon na tarsurat i, “Nada adong na tigor, sahalak pe nada.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.