SURAT NI SI PAULUS TU PARLAGUTAN ROM 1:28 - BIBEL JAMITA NA DENGGAN

²⁸ Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 1:28 ပူးပေါင်းရင်းမြစ်များ

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

2 SAMUEL 22:27

Tu halak na ias, laing ias do Ho, hape anggo parjahat dialo Ho do.

MASMUR 69:27

Paborat ma da uhuman i tu halahi; ulang be patigor-tigor halak na songon i.

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 1:29

Nada jungada porlu dihilala hamu parbinotoan. Sai na matua losok do rohamunu mangoloi Tuhan.

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 17:16

Parcuma do halak na bodo pangabis hepeng manjalahi hapistaran, angke nada adong disia pikiran na torang.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 6:30

Goaron noma halahi perak na so hasaya angke Au Tuhan, madung manulakkon halahi.

JEHESKIEL 14:5

Sude gana-ganaan i padaohon bangsongKi do sian Au, tapi marhite alus i sai anggiat ma nian mulak bangsongKi tu Au.’

JEHESKIEL 20:25

Dung i Hulehen ma tu halahi uhum na so denggan dohot angka parenta na so margogo mangalehen ngolu.

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

BAENON NI ANGKA RASUL 17:23

Harana di na mardalan-dalan au humaliang kotamunu on, huparrohahon do angka inganan parsombaanmunu. Huida muse do sada inganan pamelean, tarsurat do disi, ‘Tu Debata Na So Nitanda.’ Jadi, Debata na so nitandamunu i, i ma da ibana na hubaritahon i tu hamu.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

SURAT NI SI PAULUS TU PARLAGUTAN ROM 1:24

Jadi gabe dipadiar Debata noma halahi dirajai hagiot ni roha ni halahi laho mambaen na jat, gabe dipambaeni halahi ma angka pangalaho na pabilehon pamatang ni halahi sama halahi.

SURAT NI SI PAULUS TU PARLAGUTAN ROM 1:26

Jadi hara ni na songon i dibaen jolma i, gabe dipadiar Debata noma halahi mangihutkon hagiot na pailahon i. Angka dadaboru nada markagiot be di halaklahi songon na somal di hajolmaon; tu donganna dadaboru noma dihagioti rohana.

1 KORINTUS 15:34

Torang ma rohamunu jana ulang be mambaen dosa hamu. Adong dope sian hamu halak na so tangkas mananda Debata. Hudok pe songon i, anso maila do hamu di dirimunu.

2 KORINTUS 10:5

jana hami parrumpakkon do angka benteng haginjangon ni roha na nipajongjong laho mangalo na tutu salaho tu Debata. Hami tangkupi do roha ni angka halak jana hami baen halahi unduk mangoloi Kristus.

EPESUS 5:4

Bope mancaritohon angka carito na rorang bope mandok hata na hodar, sanga pe margonjak-gonjak na so patut, nada patut adong di hamu. Tapi gumonan ma hamu mandok tarimakasi tu Debata.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

2 TIMOTEUS 3:8

Songon si Janes dohot si Jambres na mangalo si Musa najolo, laing songon i ma jolma sisongon i mangalo pangajaran na sian Debata. Masego pikiran ni halahi jana nada porsaya be halahi tu pangajaran na sintong.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

PILEMON 1:8

Hara ni i, songon kahanggimu di bagasan Kristus tarsuru au do nian ho laho mangkarejohon aha na patut sipatupaonmu.

2 PETRUS 3:5

Sangajo na so ra do halahi umbotosa paboa na nitompa ni Debata do langit dohot tano on narobi markite-hite hata ni Debata; tano on pe sian aek do ditompa jana mardongan aek;