SURAT NI SI PAULUS TU PARLAGUTAN ROM 1:21 - BIBEL JAMITA NA DENGGAN

²¹ Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

SURAT NI SI PAULUS TU PARLAGUTAN ROM 1:21 ပူးပေါင်းရင်းမြစ်များ

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

1 RAJA-RAJA 20:23

Didok angka perwirana ma tu si Benhadad, “Na markuaso di dolok-dolok do anggo Debata na nisomba ni bangso Israel, hara ni i do umbaen na nitaluhon ni halak Israel hita. Jadi anggo di napa na toruk do, tontu tartaluhon hita do halahi.

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

MASMUR 50:23

Sanga ise na mandok tarimakasi baen haulna, i do na pasangapkon Au. Tu halak na tigor ngoluna, patuduhononKu ma haluaan na sian Au.

MASMUR 81:12

Gabe Hupadiar noma halahi papir rohana, jana marsibaen roha-rohana.

MASMUR 86:9

Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

JESAYA 60:2

Angke satutuna, hagolapan do manggupgupi tano on, jana hagolapan manggupgupi angka bangso; tapi songgopan ni sinondang ni Tuhan ma ho, jana hasangapanNia gabe tangkas di ho.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

JEREMIA 9:14

Jogal do roha ni halahi jana marsomba tu Baal do halahi songon na niajarkon ni angka ompu ni halahi.

JEHESKIEL 14:5

Sude gana-ganaan i padaohon bangsongKi do sian Au, tapi marhite alus i sai anggiat ma nian mulak bangsongKi tu Au.’

JEHESKIEL 20:25

Dung i Hulehen ma tu halahi uhum na so denggan dohot angka parenta na so margogo mangalehen ngolu.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

JOHANNES 3:19

Tapi on do panguhuman i: Madung ro hatorangan i tu tano on, tapi humolongan do roha ni jolma i tu hagolapan ulang pado hatorangan i, harana jahat do pangalaho ni halahi.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

SURAT NI SI PAULUS TU PARLAGUTAN ROM 1:19

Dibaen anggo parbinotoan taringot tu Debata madung tangkas di halahi, angke madung dipatangkas Debata i di halahi.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 11:10

Padiar ma manggolap parnidaan ni halahi anso ulang marnida be halahi; jana padiar ma puhung halahi ro di salolot-lolotna.”

SURAT NI SI PAULUS TU PARLAGUTAN ROM 15:9

Angke bangso na asing pe dibaen Ia do pasangap Debata hara ni asi ni rohaNia, songon na tarsurat di Buku Na Badia i, “Hara ni i giot pasangaponku noma Ho di tonga-tonga ni angka bangso. jana mangendehon puji-pujian di goarMu.”

PANGARATAION 28:29

Dadap-dadap ma ho di arian raya songon halak na mapitung, hape nada dapot ho dalan. Sai marpupu ma ho hona hapit jana hona rampas, jana sada halak pe nada adong na mangurupi ho.

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.

1 PETRUS 1:18

Angkon botoonmunu do sanga aha na dung digarari laho paluahon hamu sian ngolu na so marguna i na nipateankon ni angka ompungmunu tu hamu. Nada barang na ra sego songon perak sanga sere dibaen panggararna,

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HALUMBAAN 14:7

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”