SURAT NI SI PAULUS TU PARLAGUTAN ROM 1:20 - BIBEL JAMITA NA DENGGAN

²⁰ Mamungka sian na manjadihon tano on Debata, anggo angka pangalaho ni Debata na so tarida i, i ma bako Hadebataan dohot hagogoanNia na manongtong i, anggo i tangkas do tarastui jolma markite-hite sude na nitompa i. Jadi nada tarbaen jolma i be marsidalian hara ni na so marbinoto.

SURAT NI SI PAULUS TU PARLAGUTAN ROM 1:20 ပူးပေါင်းရင်းမြစ်များ

PAMUNGKAAN 1:1

Di mulana i ditompa Debata ma langit dohot tano.

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

JOB 12:7

Marsapa ma tu unggas dohot tu pahan-pahanan anso hamu dapotan pangajaran.

MASMUR 104:31

Sai marmulia ma Tuhan salolot-lolotna, sai jop ma rohania marnida sude na nitompaNia!

MASMUR 104:5

Tohong do tano on dipajongjong Ho di ojahanna, gabe nada meol salolot-lolotna.

MASMUR 119:90

Sian sundut tu sundut do habonaranMu, dipajongjong Ho tano on, gabe laing hot togu.

MASMUR 139:13

Ho do na manompa sude bagian ni pamatangku. Digana Ho do au dibagasan bortian ni dainang.

MASMUR 8:3

Muda hutatap langit na nipauliMi, hupareso bulan dohot bintang na nitompaMi,

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

JESAYA 26:4

Sai haporsayai ma tongtong Tuhan, harana Tuhan Debata do dolok batu na manongtong.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

JEREMIA 51:15

Ditompa Tuhan do portibi on marhite kuasoNia, marhite hapistaranNia digana Ia portibi. Dipahembang Ia tano on marhite akalNia.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

MARKUS 10:6

“Tapi anggo di mulana di na manompa jolma Debata didok do, ‘Halaklahi dohot dadaboru do halahi dibaen Debata.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 15:22

Sugari sura na so jungada Au ro jana nada unjung Huhatahon sudena i tu halahi, nada tarsalahon halahi. Tapi anggo saonnari nada adong be sidalian ni halahi taringot tu dosa ni halahi.

BAENON NI ANGKA RASUL 17:29

Antong, muda pomparan ni Debata do hita, nada tola etongon ni rohanta na sarupa Debata i sanga tu aha pe na nibaen marguru tu hapistaran ni jolma, i ma na nibaen sian sere sanga perak sanga batu.

BAENON NI ANGKA RASUL 22:1

“Hamu angka ama maradu angka dongan sudena! Na giot mambela diri do au maradopkon hamu. Marsitangi-tangian ma hita jolo!” ning ia.

SURAT NI SI PAULUS TU PARLAGUTAN ROM 1:19

Dibaen anggo parbinotoan taringot tu Debata madung tangkas di halahi, angke madung dipatangkas Debata i di halahi.

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

SURAT NI SI PAULUS TU PARLAGUTAN ROM 2:15

Pangalaho ni halahi ma na patuduhon paboa na dung tarsurat di ate-ate ni halahi angka aturan i. Dohot muse do taroktok ni halahi manyaksihon i, angke halahi sandiri pe jotjot do huhul dipasala sanga ditudu roha ni halahi.

1 KORINTUS 1:20

Di dia dehe angka na bisuk i? Di dia dehe angka Siboto Surat i? Di dia dehe angka pangalo na sian portibi on? Nada he madung dibaen Debata habisuhon ni portibi on gabe hatoon?

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

KOLOSSE 1:15

Ia do gambaran ni Debata na so tarida, siangkaan ni sude na nitompa i.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

IBRANI 11:27

Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.