SURAT NI SI PAULUS TU PARLAGUTAN ROM 1:17 - BIBEL JAMITA NA DENGGAN

¹⁷ Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

SURAT NI SI PAULUS TU PARLAGUTAN ROM 1:17 ပူးပေါင်းရင်းမြစ်များ

JEHESKIEL 18:9

Dioloi ia do na Huparentahon jana dipatulus ia do angka uhumKu. Jolma na songon i ma da na tigor jana na giot totop mangolu. Au Tuhan Debata madung mandok songon i.

HABAKUK 2:4

Jana ingot ma: halak na gakgak nada tigor rohana, tapi anggo halak na tigor sian haporsayaanna, i do na giot mangolu.”

BILANGAN 21:9

Dibaen si Musa ma ulok sian tumbaga jana dibaen ia tu ujung ni sada tiang. Ganop halak na nipagut ni ulok i, gabe malum muda diligi ia tu ulok tumbaga i.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

SURAT NI SI PAULUS TU PARLAGUTAN ROM 3:21

Tapi anggo saonnari nada markite-hite Tona i, madung dipapatar hatigoran ni Debata, songon na nisaksihon ni Tona i dohot angka panurirang,

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

SURAT NI SI PAULUS TU PARLAGUTAN ROM 3:3

Tapi bia ma i, anggo adong do deba halak Jahudi na so setia? Sanga hara ni i ma he dalanna gabe nada setia Debata?

SURAT NI SI PAULUS TU PARLAGUTAN ROM 9:30

Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.

2 KORINTUS 3:9

Angke muda marhasangapan tohonan na tu hamagoan, mur sumangapan dope hasangapan ni parjanjian ni hatigoran i.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 3:11

Sahalak pe nada adong na nipatigor di adopan ni Debata markite na mandalankon Tona i. Dibaen, “Hara ni haporsayaanna do mangolu angka na tigor roha i.”

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

IBRANI 10:38

Jana halakKu na tigor roha i, mangolu do hara ni haporsayaanna, tapi muda adong sian halahi na sumurut, nada jop be rohangKu mida i.”