SURAT NI SI PAULUS TU PARLAGUTAN ROM 1:14 - BIBEL JAMITA NA DENGGAN

¹⁴ Angke utangku do i maradopkon sude ragam ni angka bangso, sanga pe tu bangso na maju bope tu bangso na riar dope, tu halak na sikola bope tu halak na buta hurup.

SURAT NI SI PAULUS TU PARLAGUTAN ROM 1:14 ပူးပေါင်းရင်းမြစ်များ

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

LUKAS 10:21

Laing di hatiha i muse, marjop ni roha ma Jesus di bagasan Tondi Parbadia, jana mandok, “Hupuji do Ho Amang, Tuhan ni langit dohot tano, dibaen dibunihon Ho do i adop angka na pistar dohot na marroha, tapi dipapatar Ho do i tu angka halak na menek. Olo, ale Amang, songon i ma antong hagiot ni Damang sandiri.”

BAENON NI ANGKA RASUL 22:21

Tapi didok Tuhan i ma muse tu au, ‘Kehe ma ho, harana suruonKu ma ho kehe tu na dao tu inganan ni halak sian bangso na asing.’ ” Ninna Tuhan i tu au.

BAENON NI ANGKA RASUL 28:2

Burju-burju do halak pulo i maradopkon hami. Denggan do dijagit halahi hami jana manigor dipagara halahi do api di hami, angke mamungka ma ro muse udan boti hara ni ngali ni ari.

BAENON NI ANGKA RASUL 28:4

Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 1:22

Dipikir halahi gabe na bisuk, hape gabe na oto do halahi.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

SURAT NI SI PAULUS TU PARLAGUTAN ROM 13:8

Ulang marutang hamu bagi aha tu sanga ise pe, di balik ni utang holong ni roha na sada tu na asing. Harana sanga ise halak na mangkaholongi dongan jolma, madung dipatulus halahi Tona i.

SURAT NI SI PAULUS TU PARLAGUTAN ROM 16:19

Angke diboto halak do sudena taringot tu pangoloionmunu, jadi jop do rohangku hara ni hamu jana di pangido rohangku, anso pistar hamu tu na denggan, tapi ias maradopkon hajahatan.

SURAT NI SI PAULUS TU PARLAGUTAN ROM 8:12

Hara ni i ma hamu ale angka dongan, gabe adong tanggung jawabta; tapi nada tanggung jawab maradopkon bako ni jolma; nada pola porlu hita mangolu mangihutkon hagiot ni bako i.

1 KORINTUS 14:11

Tapi muda inda huastui hata na nidok ni sada-sada halak, gabe halak na asing ma di au jolma na mamake hata i; songon i muse ma au tusia.

1 KORINTUS 14:16

Harana muda mandok tarimakasi hamu tu Debata dohot tondimunu sajo, songon di ma he tarbaen halak na bahat i mandok, “Amen”, dung sidung ho mandok tarimakasi, anggo so diboto ia, sanga aha na nidokmi?

1 KORINTUS 2:13

Laing i do na hami hatahon, nada markite-hite hata na niajarkon ni habisuhon ni jolma tapi markite-hite hata na niajarkon ni Tondi. Hami pajojor do angka pangalaho partondion tu angka na maruli Tondi.

1 KORINTUS 3:18

Ulang ma adong sanga ise na paoto-oto dirina. Sanga ise sian hamu na mangetong dirina na bisuk mangihutkon parsuhatan ni portibi on, angkon jadi oto do ia, baru pe anso tutu ia na bisuk.

2 KORINTUS 10:12

Harana nada puluk hami patudoskon sanga mambaen dirinami sarupa dohot angka halak na mangetong dirina halak na godang. Na oto do halak na mambaen ukuranna sandiri jana na mangukur dirina sandiri mangihutkon ukuran i.

2 KORINTUS 11:19

Sobar do hamu paalo-alo halak na oto, hara ni malomunu dihilala hamu!

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

2 TIMOTEUS 2:10

Hara ni i do umbaen na huhasobarkon mananggung sudena i pasari-sari angka dongan na dung nipili ni Debata. Hutaon pe sudena i bia anso laing dohot halahi maruli haluaan na di bagasan Kristus Jesus, dohot hasangapan salolot-lolotna.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.