SURAT NI SI PAULUS TU PARLAGUTAN ROM 1:13 - BIBEL JAMITA NA DENGGAN

¹³ Hamu ale angka dongan! Por do rohangku nian sugari tibu diboto hamu na dung jotjot sai giot ro au mandapotkon hamu, hape sai tongtong dope adong halanganna. Por do rohangku sugari laing dohot ma nian di tonga-tongamunu adong guna ni karejongku, songon na hubaen di tonga-tonga ni angka bangso na asing na dung marsuha di angka inganan na asing.

SURAT NI SI PAULUS TU PARLAGUTAN ROM 1:13 ပူးပေါင်းရင်းမြစ်များ

JESAYA 27:6

Tu hatiha na giot ro, marurat ma pinompar ni si Jakob.

JOHANNES 12:24

Tutu do na Hudok on tu hamu: Muda so nisuan tu tano jana mate same i, laing tinggal sangkibung i sajo do i. Tapi muda mate same i, baru pe anso bahat eme diparbatuhon.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 4:36

Manjagiti upana ma angka na manyabi i; jana dipalagut ma suhana i tu hangoluan na so mantak. Rap marsonang-sonang ma panyabur dohot panyabi.

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

BAENON NI ANGKA RASUL 15:12

Gabe tarhohom ma sudena na marlagut i disi. Dung i dibege halahi ma si Barnabas dohot si Paulus mangulahi mambaritahon sudena tanda-tanda dohot hahomangan na nibaen ni Debata markite-hite halahi di tonga-tonga ni bangso na asing na so Jahudi.

BAENON NI ANGKA RASUL 19:21

Dung tarjadi sudena i, diputuskon si Paulus ma di bagasan rohania anso kehe ia tu Jerusalem, mamolus sian Makedonia dohot Akaya. Didok ia ma, “Dung sian i angkon torus dope au tu Rom.”

BAENON NI ANGKA RASUL 21:19

Jadi dung marsijalangan dohot halahi, dipajojor si Paulus ma tu halahi sandok na nibaen ni Debata markite-hite ia di tonga-tonga ni bangso na asing na so Jahudi.

BAENON NI ANGKA RASUL 28:14

Disi ma dapot hami angka dongan na mangido anso maradian hami disi pitu ari; dung i kehe ma hami tu Rom.

SURAT NI SI PAULUS TU PARLAGUTAN ROM 1:12

Astuanna na hudok i, dibaen na dung rap porsaya do hita, gabe tarbaen hita ma rap marsipatoguan roha.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 7:1

Hamu ale angka dongan! Siboto Tona do hamu sude. Jadi nada he diboto hamu na markuaso do Tona i tu jolma hum sapanjang mangolu ia?

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

1 KORINTUS 10:1

Hamu ale angka dongan! Angkon tangkas do ingotonmunu sanga aha na tarjadi tu angka ompunta di na mangihutkon si Musa halahi. Dilinggomi ombun halahi sude, jana horas do halahi sude manaripari Laut Na Rara i.

1 KORINTUS 12:1

Taringot tu angka silehen-lehen ni Tondi ma saonnari. Giotku nian ulang so tangkas diboto hamu sasintongna taringot tusi.

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

1 KORINTUS 14:26

Antong hamu ale angka dongan, aha ma he astuan ni i sudena? Muda marlagut hamu laho marsomba tu Tuhan: Adong ma na marende, adong na mangajari, adong na paboahon sanga na aha sian Debata, adong na mangkobari di hata na so niastuan, jana adong na patorangkon sanga aha na nidokna i. Tapi sasudena i, angkon mangajari dohot padenggankon do tu sudena i nibaen.

1 KORINTUS 9:2

Muda pe na so rasul au di halak na asing, laing rasul do au di hamu. Angke hamu do tandana paboa na tutu au rasul di bagasan Tuhan i.

2 KORINTUS 1:8

Hamu ale angka dongan! Giotnami sugari diboto hamu ma nian hasusaan na hami taon di Luat Asia. Madokdoktu do hasusaan na hami tanggung i manyompiti rohanami, jana nada adong be arop ni rohanami tarbaen mangolu;

2 KORINTUS 2:14

Tapi tarimakasi ma di Debata, tongtong do diuluhon Ia hami mangihutkon uduran ni hamonangan ni Kristus. Dipake Debata do hami anso songon uap na huskus jamita taringot tu Kristus i.

GALATIA 3:15

Hamu ale angka dongan! Hubaen ma tudosanna jolo sian na masa siganop ari di hita. Muda adong sanga ise na mambaen parjanjian, jana madung disahkon janji i, jadi sanga ise pe nada tarbaensa be manyundati janji i bagi manamba-nambai sanga aha pe tusi.

GALATIA 6:18

Sai didongani denggan ni roha ni Kristus ma tondimunu, ale angka dongan. Amen.

PILIPPI 1:22

Tapi muda angkon mangolu do au di tano on, angkon karejohononku ma karejo na marparbatu. Gabe nada huboto be sanga na dia sipilionku.

PILIPPI 4:17

Nada hum silehen-lehenmunu i na giot jagitonku, tapi anso huida do angka suha na patamba hauntunganmunu, i do na huhalungunkon.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

KOLOSSE 1:6

Mur rarat do barita na sian Debata tu portibi on sudena, jana madung dipasupasu ngolu ni jolma hara ni barita i, songon na masa tu ngolumunu. Sian mula-mulana dibege hamu taringot tu asi ni roha ni Debata jana tutu do diauhon hamu, ngolumunu pe madung dipasupasu.

1 TESSALONIKA 2:18

Adong do maksudnami manopot hamu; jana au sandiri si Paulus madung piga-piga noli hucubo, tapi disundati Sibolis do hami.

1 TESSALONIKA 4:13

Hamu angka dongan, giotnami sugari diboto hamu ma nian pangalaho na satutuna taringot tu angka na dung monding; anso ulang marsak hamu songon halak na so mararop ni roha.

2 TESSALONIKA 2:7

Madung mamungka markarejo kuaso ni hajahatan na buni i masuk manyisip-nyisipi, tapi laing adong dope pangambati. Jadi muda dung morot pangambati i,

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.