SURAT NI SI PAULUS TU PARLAGUTAN ROM 1:12 - BIBEL JAMITA NA DENGGAN

¹² Astuanna na hudok i, dibaen na dung rap porsaya do hita, gabe tarbaen hita ma rap marsipatoguan roha.

SURAT NI SI PAULUS TU PARLAGUTAN ROM 1:12 ပူးပေါင်းရင်းမြစ်များ

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

SURAT NI SI PAULUS TU PARLAGUTAN ROM 1:11

Harana sai malungun do au marsuo dohot hamu anso tarlehen au nian di hamu silehen-lehen partondion laho patoguhon hamu.

SURAT NI SI PAULUS TU PARLAGUTAN ROM 1:13

Hamu ale angka dongan! Por do rohangku nian sugari tibu diboto hamu na dung jotjot sai giot ro au mandapotkon hamu, hape sai tongtong dope adong halanganna. Por do rohangku sugari laing dohot ma nian di tonga-tongamunu adong guna ni karejongku, songon na hubaen di tonga-tonga ni angka bangso na asing na dung marsuha di angka inganan na asing.

SURAT NI SI PAULUS TU PARLAGUTAN ROM 15:24

Jadi muda mardalan au tu Spanyol, disi ma au ro tu hamu dibaen arop do rohangku idaonku ma hamu, di na mamolus i au, anso didongani hamu ma au tusi, dung jop rohangku marsuo dohot hamu.

SURAT NI SI PAULUS TU PARLAGUTAN ROM 15:32

Jadi hara ni i, muda tumbuk di roha ni Debata, tarbaen au ma ro mandapotkon hamu angka dongan di bagasan jop ni roha. Jana dapotan apo-apo ma au di tonga-tongamunu.

2 KORINTUS 7:13

I do mambaen gabe tarapul rohanami. Jana nada hum tarapul, mur jop dope rohanami marnida jop ni roha ni si Titus; madung diapoi hamu sudena ia.

EPESUS 4:5

Hum sada sajo do Tuhan, sada haporsayaan, sada pandidion,

2 TIMOTEUS 1:4

Huingot do hamamarsak ni rohamu. I do umbaen na songon i situtu ni rohangku anso marsuo dohot ho anso tarbaen au nian marjop ni roha situtu.

TITUS 1:4

Tu si Titus, anakku, mangihutkon haporsayaanta. Asi ni roha dohot hasonangan ma di ho, sian Debata Ama dohot Kristus Jesus, Sipalua hita.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

2 JOHANNES 1:4

Jop sajo do rohangku dung huboto, na adong do hape angka dakdanaknami na mangolu mangihutkon jamita na sintong i na sian Debata songon na dung diparentahon ni Ama i tu hita.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.