SURAT NI SI PAULUS TU PARLAGUTAN ROM 1:10 - BIBEL JAMITA NA DENGGAN

¹⁰ Tongtong do hupangidohon di bagasan tangiangku, sugari dipaloas Debata ma au nian ro tu hamu on.

SURAT NI SI PAULUS TU PARLAGUTAN ROM 1:10 ပူးပေါင်းရင်းမြစ်များ

BAENON NI ANGKA RASUL 18:21

Tapi haru songon i pe, di na laho kehe ia laing didok ia do, “Muda dipaloas Debata, mangulahi dope au ro tuson.” Dung didok ia songon i, kehe ma ia markapal sian Epesus.

BAENON NI ANGKA RASUL 19:21

Dung tarjadi sudena i, diputuskon si Paulus ma di bagasan rohania anso kehe ia tu Jerusalem, mamolus sian Makedonia dohot Akaya. Didok ia ma, “Dung sian i angkon torus dope au tu Rom.”

BAENON NI ANGKA RASUL 21:14

Umpe ditangihon si Paulus na hami dokkon i, gabe sip noma hami. “Sai roha ni Tuhan i sajo ma na tulus,” ning hami noma.

SURAT NI SI PAULUS TU PARLAGUTAN ROM 15:29

Huboto do muda ro au, angkon boanonku do angka pasupasu na sian Kristus di hamu.

1 KORINTUS 1:1

Sian si Paulus, hara ni hagiot ni Debata dipio gabe rasul ni Kristus Jesus, dohot sian si Sostenes donganta;

1 KORINTUS 4:19

Tapi angkon laing ro do au mandapotkon hamu, nada pola honok be muda dipaloas Tuhan. Jadi muda ro au, disi ma idaonku sanga aha do antong na tarpatupa angka na manggodang diri i; ulang hum mandok hata sajo halahi.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

1 TESSALONIKA 2:18

Adong do maksudnami manopot hamu; jana au sandiri si Paulus madung piga-piga noli hucubo, tapi disundati Sibolis do hami.

PILEMON 1:22

Jadi laing pasingkop muse ma jolo ingananku di bagasmu, angke arop do rohangku tangihonon ni Debata do tangiang ni hamu sudena jana obanonNia au mangulahi tu tonga-tongamunu.

IBRANI 13:19

Tarlobi gomos hupangidohon, anso laing tangiangkon hamu ma au. Tangiangkon hamu ma anso tumibu dioban Debata au mangulahi tu tonga-tongamunu.

JAKOBUS 4:15

Angkon songon on do nian dokkononmunu, “Muda ibo roha ni Tuhan, mangolu ma hami jana baenonnami ma songon on sanga songon an.”